Flash News

ഇൻസൈറ്റ് ബ്ലോഗിലേക്ക് സ്വാഗതം.

Tuesday, December 24, 2019

Eclipse App

2019 ഡിസംബര്‍ 26 ന് നമ്മുടെ നാട്ടില്‍ സൂര്യഗ്രഹണമാണല്ലോ.ഇതിനായി എല്ലാവരും തയ്യാറെടുത്തു കഴിഞ്ഞു.എങ്ങനെയാണ് ഗ്രഹണം വീക്ഷിക്കേണ്ടത് എന്നെല്ലാം എല്ലാവരും ശ്രദ്ധിച്ചിരിക്കുമല്ലോ. 
ഇവിടെ ഗ്രഹണം സംബന്ധിച്ച ഒരു ആപ് പരിചയപ്പെടുത്തുകയാണ്. നമ്മുടെ കുട്ടികള്‍ക്ക് കളിക്കാന്‍ മൊബൈല്‍ കൊടുക്കുന്നതിനു പകരം ഈ ആപ് ഒന്നു പരിചയപ്പെടുത്തിക്കൊടുക്കാവുന്നതാണ്.
ആദ്യം എന്താണ് ഗ്രഹണം എന്ന് ഒന്നു പരിചയപ്പെടാം.സൂര്യനെ ചന്ദ്രന്‍ കുറച്ചു നേരത്തേക്ക് മറക്കുന്നു.ഇതാണ് സൂര്യഗ്രഹണം.2019 ഡിസംബർ 26നു ഒരു വലയസൂര്യഗ്രഹണം ദർശിക്കാനാകും.സൂര്യനും ഭൂമിക്കും ഇടയിൽ ചന്ദ്രൻ വരുമ്പോൾ സൂര്യൻ ഭാഗികമായോ,പൂർണ്ണമായോ മറയപ്പെടുന്ന പ്രതിഭാസമാണ് സൂര്യഗ്രഹണം. ഭൂമിയിൽ നിന്ന് നോക്കുമ്പോൾ സൂര്യനും ചന്ദ്രനും ഒരു സ്ഥാനത്ത് ഒത്തുചേരുന്ന കറുത്തവാവ് ദിവസമാണ് സൂര്യഗ്രഹണം നടക്കുക. ഭൂമിയിൽ നിന്നു നോക്കുമ്പോൾ ചന്ദ്രന്റെ കോണീയവ്യാസം സൂര്യന്റേതിനെക്കാൾ ചെറുതാണെങ്കിൽ ഗ്രഹണസമയത്ത് സൂര്യബിംബത്തിന്റെ ബാഹ്യഭാഗം ഒരു വലയം പോലെ ചന്ദ്രനു വെളിയിൽ കാണാനാകും. ഇത്തരം സൂര്യഗ്രഹണങ്ങളാണ് വലയ സൂര്യഗ്രഹണം (Annular eclipse) എന്നു് അറിയപ്പെടുന്നത്. ഒരു വലയസൂര്യഗ്രഹണം ആയിരക്കണക്കിനു കിലോമീറ്റർ വീതിയിൽ ഭാഗീകമായി നിരീക്ഷിക്കാൻ സാധിക്കും. 
രാഹു, കേതു
ഭൂമിയില്‍ നിന്ന് നോക്കുന്ന നമുക്ക് സൂര്യനും ചന്ദ്രനും നമ്മെ (ഭുമിയെ) ചുറ്റുകയാണെന്നാണ് തോന്നുക. ഇങ്ങനെ സങ്കല്‍പ്പിച്ചാല്‍ സൂര്യനും ചന്ദ്രനും 2 പഥങ്ങളിലൂടെ ഭൂമിയെ ചുറ്റുന്നു. ഈ രണ്ട് പഥങ്ങളും 2 ബിന്ദുക്കളില്‍ മുറിച്ചുകടക്കുന്നുണ്ട്.ഈ ബിന്ദുക്കളാണ് രാഹുവും കേതുവും.ഇവയെ തമോഗ്രഹങ്ങള്‍ എന്നാണ് ജ്യോതിഷത്തില്‍ അറിയപ്പെടുന്നത്. ഈ രണ്ട് ബിന്ദുക്കളും ഭൂമിക്ക് ചുറ്റും കറങ്ങുന്നുണ്ട്.ഈ ബിന്ദുവില്‍ സൂര്യനും ചന്ദ്രനും ഭൂമിയും നേര്‍രേഖയിലെത്തിയാലേ ഗ്രഹണം നടക്കു.
മറ്റൊരു ചിത്രം
ഇങ്ങനെ രാഹുവും കേതുവുമുണ്ടെന്ന് ഒരു ബൈനേക്കുലറുമില്ലാത്ത കാലത്ത പറഞ്ഞുവെച്ച പൂര്‍വ്വികന്‍മാരെ കളിയാക്കുകയല്ല വേണ്ടത്.പിന്നീട് വന്ന അന്ധവിശ്വാസങ്ങളെയാണ് മാറ്റേണ്ടത്.

ഇനി ഗ്രഹണം ഒരു ചിത്രം
ഇന്ത്യാ ഗ്രഹണ മാപ്പ്
ഇനി നമുക്ക് ആപ് ഉപയോഗിച്ച് എങ്ങനെ ഗ്രഹണം കാണാം എന്ന് നോക്കാം
1.ഗൂഗിള്‍ പ്ലേ സ്റ്റോറില്‍ Eclipse Calculator 2 എന്ന് സെര്‍ച്ച് ചെയ്യുക
ഈ ആപ് ഇന്‍സ്റ്റാള്‍ ചെയ്യുക
ആപ് തുറക്കുക
ഏത് ഗ്രഹണവും കാണാം.തല്‍ക്കാലം സൂര്യഗ്രഹണം എടുക്കുക
താഴെയുള്ള സെര്‍ച്ച് ബൈ ലൊക്കേഷന്‍ ക്ലിക്ക് ചെയ്യുക
തുറന്ന് വരുന്ന ഭാഗത്ത് കറന്റ് എന്നതില്‍ ക്ലിക്ക് ചെയ്യുക. ലൊക്കേഷന്‍ ആക്സസ് പെര്‍മിഷന്‍ നല്‍കേണ്ടിവരും
താഴെയുള്ള ഓണ്‍ലി Future Events ടിക് ചെയ്ത് കംപ്യൂട്ട് ചെയ്യുക
മാപ്, ലോക്കേഷന്‍ എന്നീ ഓപ്ഷനുകളും ഉണ്ട്.
മുകളില്‍ ആദ്യത്തേതായി 26 ലെ ഗ്രഹണം കാണിക്കും
ക്ലിക്ക് ചെയ്യുക
ഗ്രഹണം സംബന്ധിച്ച എല്ലാ വിവരങ്ങളും വരും. താഴെയുള്ള സിമുലേഷനില്‍ ക്ലിക്ക് ചെയ്താല്‍ എങ്ങനെയാണ് ഗ്രഹണം സംഭവിക്കുക എന്ന് കാണാം
ഗ്രഹണം നടക്കുന്ന സമയവുമെല്ലാം കാണാം.ആ സമയത്ത്  ലൈവ് എന്ന ഓപ്ഷന്‍ ടിക് ചെയ്താല്‍ ലൈവും കാണാം

(ഇത് എന്റെ സ്വന്തമല്ല. കടപ്പാട് വിക്കിപീഡിയ, മറ്റ് ഓണ്‍ലൈന്‍ അറിവുകള്‍)







Wednesday, December 4, 2019

How to Apply for GPF T.A in Spark

സ്പാര്‍ക്കില്‍ ജി.പി.എഫ്.ടെംപററി അഡ്വാന്‍സ് മൊഡ്യൂള്‍ അപ്ഡേറ്റ് ചെയ്തിരിക്കുന്നു.
എങ്ങനെയാണ് വായ്പക്ക് അപേക്ഷിക്കേണ്ടതെന്ന് നോക്കാം
1.സ്പാര്‍ക്കില്‍ അപേക്ഷകന്‍ ലോഗിന്‍ ചെയ്യുക
2.
Provident Fund എന്ന മെനുവില്‍ ടെംപററി അഡ്വാന്‍സ് അപേക്ഷക്കുള്ള ലിങ്കുണ്ട്.
ഇതില്‍ ക്ലിക്ക് ചെയ്യുക.
3.ഫോം വരും. ഇതിലെ സ്പാര്‍ക്കിലുള്ള ഫീല്‍ഡുകളെല്ലാം ഫില്‍ഡ് ആയിരിക്കും.
4.എത്ര രൂപ ക്രെഡിറ്റിലുണ്ടെന്നും എത്ര രൂപ പരവാവധി കിട്ടുമെന്നൊക്കെ കാണിക്കും
5.അവസാന ഭാഗത്ത് ടിക് മാര്‍ക്ക് ചെയ്ത് സബ്മിറ്റ് ചെയ്യുക
ഇനിയെല്ലാം എന്‍.ആര്‍.എ.ചെയ്തതതു പോലെത്തന്നെ.ഓഫീസറുടെ ലോഗിനില്‍ പാസാക്കുക.



Tuesday, December 3, 2019

How to Calculate Earned Leave with Excel

ഒരു എക്സല്‍ ഷീറ്റ് ഉപയോഗിച്ച് എങ്ങനെയാണ് ഏണ്‍ഡ് ലീവ്(ആര്‍ജിതാവധി) കണക്കാക്കുക എന്ന് നോക്കാം. ഇവിടെ പ്രധാനമായി ഉദ്ദേശിക്കുന്നത് എക്സലിലെ ഒന്ന് രണ്ട് ഫങ്ഷനുകള്‍ പരിചയപ്പെടുക എന്നതാണ്.
01/12/2019 ന് ഒരാള്‍ ഏണ്‍ഡ് ലീവ് സറണ്ടറിന് അപേക്ഷിച്ചു എന്നിരിക്കട്ടെ.
മുമ്പ് 10/11/2018 വരെയാണ് കണക്കാക്കി എണ്‍ഡ് ലീവ് സറണ്ടര്‍ ചെയ്തിട്ടുള്ളത്.
ഈ കാലാവധിക്കുള്ളില്‍ 17 ദിവസം വിവിധ തരത്തിലുള്ള അവധികള്‍ എടുത്തിട്ടുണ്ട്.
അപ്പോള്‍ നമുക്ക് 11/11/2018 മുതല്‍ 30/11/2019 വരെ ആകെ എത്ര ദിവസം വരും എന്ന് കണക്കാക്കി അതില്‍ നിന്നും 17 ദിവസം കുറച്ച്  അതിനെ 11 കൊണ്ട് ഹരിച്ച്  ആര്‍ജിതാവധി കണക്കാക്കണം. ഇപ്പോള്‍ സ്പാര്‍ക്കില്‍ എല്ലാം വരുന്നുണ്ടെങ്കിലും സംശയം എങ്ങനെ തീര്‍ക്കാം എന്ന് നോക്കാം.
1.എക്സല്‍ / കാല്‍ക്ക് എടുക്കുക
2.
ഇതില്‍ ആദ്യത്തേ കള്ളിയില്‍ എന്ന് മുതല്‍
രണ്ടാമത്തേതില്‍ ഏതു വരെ
മൂന്നാമത്തേതില്‍ കുറക്കുന്ന ദിവസങ്ങള്‍
നാലാമത്തേതില്‍ ബാക്കി എത്ര ദിവസം
3.
ഇവിടെ ഉപയോഗിക്കുന്നത് datediff എന്ന ഫങ്ഷനാണ്.
=DATEDIF(A8,B8,"d")-C8+1
ഏത് ഫങ്ഷനും ഉപയോഗിക്കുമ്പോള്‍ സമചിഹ്നം നിര്‍ബന്ധം
ഈ ഫോര്‍മുലയുടെ അര്‍ത്ഥം
A8,B8 എന്നീ കള്ളികളിലെ ദിവസങ്ങള്‍ക്കിടയിലെ പിരീഡ് ദിവസങ്ങളായി കാണണം. അതില്‍ നിന്നും കുറക്കേണ്ട ദിവസങ്ങള്‍ കുറക്കണം.+1 എന്നത് ഇടയിലെ ദിവസങ്ങള്‍ കണക്കാക്കി 2 ദിവസവും കണക്കാക്കി ആകെ എടുക്കുവാന്‍
ഇപ്പോള്‍ ഉത്തരം കിട്ടും
4.ഇനി ഈ ഉത്തരത്തെ 11 കൊണ്ട് ഹരിക്കണം. നമുക്ക് ശിഷ്ടം ആവശ്യമില്ല.അതിനാല്‍ Floor എന്ന ഫങ്ഷന്‍ കൂടി ഉപയോഗിക്കുന്നു
=FLOOR(D8/11,1)
ഇപ്പോള്‍ 33 കിട്ടുന്നു.
5.ഇനി ശിഷ്ടം അടുത്ത കള്ളിയില്‍ എടുക്കാം.ഇതിനായി MOD എന്ന ഫങ്ഷനാണ് ഉപയോഗിക്കുന്നത്.
=MOD(D8,11)
D8 ലെ 368 നെ 11 കൊണ്ട് ഹരിച്ചാല്‍ ശിഷ്ടം എത്രയാണ് എന്നാണ് ഉത്തരം കിട്ടുക
6.ഇനി ഇതിനെ ഭിന്ന രൂപത്തില്‍ എഴുതണം. ഇതിനായി CONCATENATE എന്ന ഫങ്ഷനാണ് ഉപയോഗിക്കുന്നത്.ഇത് ഒരു ടെക്സറ്റ് ഫങ്ഷനാണ്. കൂട്ടിചേചര്‍ക്കുക എന്നതാണ് ഉദ്ദേശിക്കുന്നത്
=CONCATENATE(E8,"   ",F8,"/","11")
E8 ലെ വില, കുറച്ച് ഗ്യാപ്പ് "   ",ശിഷ്ടംF8, സ്ലാഷ് "/", 11 "11"
ഉത്തരം ഇങ്ങനെ കിട്ടും
 

ഈ ഷീറ്റ് ആവശ്യമുള്ളവര്‍ ഇവിടെ ക്ലിക്ക് ചെയ്യുക


Sunday, December 1, 2019

New Government Email-Help

എല്ലാ ഓഫീസുകളിലും ഇപ്പോള്‍ സര്‍ക്കാര്‍ ഇ-മെയിലാണല്ലോ ഉപയോഗിക്കുന്നത്.ഇത് എങ്ങനെയാണ് ഉപയോഗിക്കുന്നത് എങ്ങനെയാണെന്ന് ഈ മെയില്‍ സംവിധാനത്തിന്റെ ഹോം പേജില്‍ത്തന്നെ നല്‍കിയിട്ടുണ്ട്.
ഇതിനായി യൂസര്‍നെയിം, പാസ്‌വേഡ് നല്‍കുന്ന വിന്‍ഡോ എടുക്കുക
ഇതിലെ മെനു എന്ന ഐക്കണില്‍ ക്ലിക്ക് ചെയ്താല്‍ യൂസര്‍ ഹെല്‍പ് ഫയലും എല്ലാം ലഭ്യമാണ്.
ഹെല്‍പ് ഫയല്‍ പരിശോധിക്കുക


Friday, November 29, 2019

SAMANWAYA UPDATES 29-11-2019

സമന്വയയില്‍ ഇന്ന് (29/11/2019) ന് കുറേ അപ്ഡേഷനുകള്‍ വന്നിട്ടുണ്ട്. ഓരോന്നായി നോക്കാം

⏩1.സമന്വയയിലെ ഫയലില്‍ ഓഫീസര്‍മാര്‍ ആക്ഷന്‍ എടുക്കുമ്പോള്‍ മാറിപ്പോയി എന്ന ഒരു പരാതി വന്നിരുന്നു. ആയത് പരിഹരിക്കുന്നതിനായി ഇനിമുതല്‍ ആക്ഷന്‍ എടുക്കുമ്പോള്‍ എടുക്കുന്ന ആക്ഷന്‍ ഏതായാലും അത് വീണ്ടും ടൈപ്പ് ചെയ്യാന്‍ ഒരു ബോക്സ് വരും. അവിടെ അത് ടൈപ്പ് ചെയ്യണം.ഉദാഹരണമായി നിയമനം അംഗീകരിക്കുകയാണെങ്കില്‍ Approve എന്ന ആക്ഷന്‍ സെലക്റ്റ് ചെയ്താല്‍ അതിനു താഴെ വരുന്ന ബോക്സില്‍ Approve എന്ന് ടൈപ്പ് ചെയ്ത് അത് ശരിയായാലേ മുന്നോട്ട് പോകൂ.ഇങ്ങനെ ടൈപ്പ് ചെയ്യുന്നത്  CAPITAL/small നോക്കണം. അതായത് Case Sensitive ആണ്.
(ആക്ഷനെടുക്കാതെ ഫയല്‍ ക്ലോസ് ചെയ്ത കേസുകളുണ്ട്. ആ ബഗ് ശരിയാക്കിയിട്ടുണ്ട്.) ആക്ഷനെടുത്തേ ഫയല്‍ ക്ലോസ് ചെയ്യാവൂ. 
സമന്വയയിലെ എല്ലാ ഫയലുകള്‍ക്കും നിശ്ചയിക്കപ്പെട്ട ഒരു ഫയല്‍ ഫ്ലോ ഉണ്ട്. അതായത് , നിയമനാംഗീകാരമാണെങ്കില്‍ 1.ആദ്യം ഫയലില്‍ ആക്ഷന്‍ എടുക്കണം(ഓഫീസര്‍ എല്ലാ നോട്ടും ഒക്കെ നോക്കി Approve,Reject Etc) ഇങ്ങനെ ആക്ഷന്‍ എടുത്താലെ ഡ്രാഫ്റ്റില്‍ ഒരു പ്രൊസീഡിങ്സ് ഓട്ടോമാറ്റിക്ക് ആയി വരൂ. അതല്ലാതെ നോട്ടില്‍ നിയമനം അംഗീകരിച്ചു/നിരസിച്ചു എന്ന് എഴുതി സെക്ഷനിലേക്കെത്തിയാല്‍ സെക്ഷനില്‍ ന്യൂ ഡ്രാഫ്റ്റ് എടുത്ത് പ്രൊസീഡിങ്ങ്സ് അടിച്ച് സേവ് ആസ് പ്രൊസീഡിങ്ങ്സ് ആക്കി ഫയല്‍ ക്ലോസ് ചെയ്യുന്നതായി കാണുന്നു. ഇത് ശരിയല്ല.
ഇതിന്റെ റൂട്ട് ഇങ്ങനെയാണ്
1.ആദ്യം ഫയലില്‍ ആക്ഷന്‍ എടുക്കണം(Approve/Reject etc...)
2.പിന്നീട് ഡ്രാഫ്റ്റ് എടുത്ത് ഫെയറാക്കി സേവ് ആസ് പ്രൊസീഡിങ്ങ്സ് നല്‍കണം
3.ഇനിയേ ഫയല്‍ ക്ലോസ് ചെയ്യാവൂ.
⏩2.നിയമന ഫയലില്‍ പിന്നീട് അറ്റാച്ച്മെന്റ് ചേര്‍ക്കുന്നതിന് ഫയല്‍ എഡിറ്റ് ചെയ്യുന്നതിന് മാനേജര്‍ക്ക് തുറന്ന് കൊടുക്കുന്നതിന് നിലവില്‍ അതാത് ഓഫീസര്‍മാര്‍ക്ക് മാത്രമേ പറ്റിയിരുന്നുള്ളൂ. ഇനി മുതല്‍ സെക്ഷന്‍ ക്ലാര്‍ക്കിനും സൂപ്രണ്ടിനും പറ്റും.പ്രത്യേകം ശ്രദ്ധിക്കുക, ഓഫീസറുടെ നോട്ട് ഉത്തരവായി മാത്രമേ തുറന്നുകൊടുക്കാന്‍ പാടൂ.
ക്ലര്‍ക്കിന്റെ ലോഗിനില്‍ നിയമനാംഗീകാര ഡാഷ് ബോര്‍ഡില്‍ നിയമന ഫയലിനു നേരെ സെറ്റിങ്സ് ബട്ടണ്‍ വന്നിട്ടുണ്ടാകും.അത് ക്ലിക്ക് ചെയ്ത് ഓപന്‍ ആക്കുക. ഇനി എല്ലാ രേഖകളും ശരിയാക്കിയാല്‍ ഇത് ഓഫാക്കി വേണം ഫയല്‍ ഫോര്‍വേഡ് ചെയ്യാന്‍
 നിയമന ഫയലിനു നേരെ സെറ്റിങ്സ് ബട്ടണ്‍ വന്നിട്ടുണ്ടാകും.അത് ക്ലിക്ക് ചെയ്ത് ഓപന്‍ ആക്കുക. 
 ഇനി എല്ലാ രേഖകളും ശരിയാക്കിയാല്‍ ഇത് ഓഫാക്കി വേണം ഫയല്‍ ഫോര്‍വേഡ് ചെയ്യാന്‍
⏩3.ഡാഷ് ബോര്‍ഡില്‍ ചില മാറ്റങ്ങള്‍ വന്നിട്ടുണ്ട്. 
ഓഫീസുകളിലെ ഡാഷ് ബോര്‍ഡ് ഇന്റര്‍ഫേസ് മാറിയിട്ടുണ്ട്.
അപ്പീല്‍ മൊഡ്യൂള്‍ സംബന്ധിച്ച പോസ്റ്റ് നോക്കുക. അപ്പീല്‍ മൊഡ്യൂള്‍ ഉത്തരവിനുശേഷം എനാബിള്‍ ചെയ്യുന്നതാണ്.‌
⏩4.തെറ്റായി ഇന്‍വാലിഡ് ആക്കിയ ഫയല്‍ പിന്നീട് വാലിഡ് ആക്കാം. 
നിയമനഫയല്‍ ഡാഷ് ബോര്‍ഡിലെ Invalid മെനു എടുത്ത് ഇന്‍വാലിഡ് ആക്കിയ ഫയല്‍ എടുക്കുക
ഫയല്‍ നമ്പറില്‍ ക്ലിക്ക് ചെയ്ത് ഫയല്‍ വ്യൂ ചെയ്യുക.
മുകളിലെ നോ യെസ്  ആക്കുക. ഫയല്‍ സെക്ഷനിലേക്ക് പോകും. വാലിഡ് ആയിട്ടുണ്ടാകും.
ഇത് ഓഫീസര്‍ക്ക് മാത്രമാണ് മാറ്റാന്‍ പറ്റുക.
⏩5.ആക്ഷനില്‍ റിട്ടേണ്‍ എന്ന പുതിയ ആക്ഷന്‍ (നിയമന ഫയല്‍) വന്നിട്ടുണ്ട്.
ശ്രദ്ധിക്കേണ്ട കാര്യം റിട്ടേണ്‍ കൊടുത്താല്‍ ഡ്രാഫ്റ്റില്‍ നിന്ന് ഒരു ലെറ്റര്‍ ടെമ്പ്ലേറ്റ് എടുത്ത് ശരിയാക്കി അപ്രൂവ് ചെയ്യിക്കുക. പ്രൊസീഡിങ്സ് ആക്കേണ്ടതില്ല.
കത്ത് അംഗീകരിച്ചതിനുശേഷം (ഫെയര്‍ ആക്കിയതിനുശേഷം) ഓഫീസര്‍ക്ക് ഫയല്‍ ക്ലോസ് ചെയ്യാവുന്നതാണ്.
⏩6.മാനേജര്‍ ഒരു പുതിയ നിയമനാംഗീകാര അപേക്ഷ സമര്‍പ്പിച്ചാല്‍ ഓഫീസിന്റെ ഔദ്യോഗിക മെയിലിലേക്ക് ഒരു നോട്ടിഫിക്കേഷന്‍ മെയില്‍ വരുന്നതാണ്.
⏩7.സമന്വയ സെക്യൂരിറ്റി ഫീച്ചറിന്റെ ഭാഗമായി ലോഗിന്‍ പേജില്‍ കാപ്ച(CAPTCHA) വന്നിട്ടുണ്ട്.
⏩8.ക്ലോസ് ചെയ്ത ഫയലുകള്‍ ഇനിമുതല്‍ ആര്‍ക്കൈവ്സിലാണ് കാണുക. അവിടെ നോക്കിയാല്‍ ഫയല്‍ അപ്രൂവ്ഡ് ആണോ റിജക്റ്റഡ് ആണോ എന്ന് കാണാവുന്നതാണ്
⏩9.നിയമന ഫയലുകള്‍ ഓഫീസര്‍മാര്‍ക്ക് വ്യൂ ചെയ്യാതെ തന്നെ നേരിട്ട് സെക്ഷനിലേക്ക് ഫോര്‍വേഡ് ചെയ്യാവുന്നതാണ്.
ഫോര്‍വേഡ് ക്ലിക്ക് ചെയ്താല്‍ മതി.
⏩നിയമന അപ്പീല്‍ ഉടനെ (സര്‍ക്കാര്‍/ഡി.ജി.ഇ നിര്‍ദ്ദേശത്തിന് ശേഷം വരുന്നതാണ്)
For PDF 

How to type Malayalam in Computer By using Voice typing

       മൊബൈലില്‍ സാധാരണയായി ഉപയോഗിക്കുന്ന വോയ്സ് ടൈപ്പിങ്ങ് ഉപയോഗിച്ച് സിസ്റ്റത്തില്‍ എങ്ങനെ ടൈപ്പ് ചെയ്യാമെന്ന് നോക്കാം
ഒരു ഹെഡ്ഫോണ്‍ വേണം. ഇത് സിസ്റ്റത്തില്‍ കണക്റ്റ് ചെയ്ത് മൈക്ക് ഓണ്‍ ആക്കണം.
ഗൂഗിള്‍ ഡ്രൈവ് എടുക്കുക
ന്യൂ ഗൂഗിള്‍ ഡോക്സ് എടുക്കുക
ഒരു വേഡ് പ്രൊസസര്‍ ഓപന്‍ ചെയ്ത് വരും.
ഇതിലെ ടൂള്‍സ് മെനുവിലെ വോയ്സ് ടൈപ്പിങ്ങ് എടുക്കുക
ഇനി ഭാഷ മാറ്റണം.
ഇതില്‍ കാണുന്ന ഭാഷ മാറ്റുക
റെഡി.

Thursday, November 28, 2019

Copy Malayalam Text from an Image -Google Drive

പലപ്പോഴും നമുക്ക് ആവശ്യമായ ഒരു കാര്യമാണ് ഒരു പ്രിന്റ് ഔട്ടിലെ കാര്യം അതേ പോലെ മറ്റൊരിടത്ത് ടൈപ്പ് ചെയ്യുക എന്നത്. അതായത് ഒരു ഇമേജ് ഫയലിലെ ടെക്സ്റ്റ് എക്സ്ട്രാക്റ്റ് ചെയ്യുക എന്നതാണ് ഉദ്ദേശിച്ചത്. ഈ പേജ് ഇംഗ്ലീഷ് ആണെങ്കില്‍ കുറെ വഴികളുണ്ട്. മലയാളം സപ്പോര്‍ട്ട് ചെയ്യുന്ന ടൂള്‍സും ലഭ്യമാണ്. ഗൂഗിള്‍ ലെന്‍സ്, ഗൂഗിള്‍ ലെന്‍സ് ഇന്‍കോര്‍പ്പറേറ്റ് ചെയ്ത ഗൂഗിള്‍ ഫോട്ടോസ് എന്ന ആപ്പ് എല്ലാം ഉപയോഗിച്ച് മൊബൈലില്‍ ചെയ്യാവുന്നതാണ്. ഇവിടെ പ്രത്യേക ഒരു സോഫ്റ്റ്‌വെയറോ മറ്റോ ഉപയോഗിക്കാതെ ഗൂഗിള്‍ ഡ്രൈവ് ഉപയോഗിച്ച് എങ്ങനെ ഇക്കാര്യം ചെയ്യാമെന്ന് നോക്കാം
ഇവിടെ ഒരു ഉത്തരവ് ഉണ്ട്. അതിലെ ടെക്സ്റ്റ് കോപ്പി ചെയ്യേണ്ട ഭാഗം ഫോട്ടോ എടുത്ത് ഇമേജ് ഫയലായി സൂക്ഷിച്ചിരിക്കുന്നു.
ഇനി സിസ്റ്റത്തില്‍ ഗൂഗിള്‍ ഡ്രൈവ് തുറക്കുക
ന്യൂ എടുത്ത് ഈ ഇമേജിനെ അപ്‌ലോഡ് ചെയ്യുക
ഇനി നേരത്തെ കണ്ട ന്യൂവിന്റെ താഴെ റീസെന്റ് ക്ലിക്ക് ചെയ്താല്‍ ഈ ഫയല്‍ കാണാം.
ഇനി ഈ ഫയലില്‍ റൈറ്റ് ക്ലിക്ക് ചെയ്ത് ഓപന്‍ വിത്ത് ഗൂഗിള്‍ ഡോക്സ് എന്ന് സെലക്റ്റ് ചെയ്യുക.
ഈ ഇമേജ് ഗൂഗിള്‍ ഡോക്സില്‍ തുറന്ന് വന്നിട്ടുണ്ടാകും
ഇതില്‍ താഴെയുള്ള ഭാഗം ടെസ്ക്റ്റ് ആണ്. ഇത് എവിടേക്കും കോപ്പി ചെയ്യാം
 ----------------------------------------------------------------------------------
2017-18 വർഷം അർഹതയുള്ള അധിക തസ്തികകളും ഈ തസ്തികനിർണയം വഴി അനുവദിക്കേണ്ടതാണ്.ബഹു.ഹൈക്കോടതി റിട്ട് പെറ്റീഷൻ നമ്പർ 27337/16 ൽ 28.09.2016 നു പുറപ്പെടുവിച്ച വിധിന്യായപ്രകാരം 2016-17 ലെ അധിക തസ്തികക ളിൽ 2015-16 വർഷം തസ്തിക നഷ്ടമായ സംരക്ഷിതാധ്യാപകരെ നിലനിർത്തിയിരു ന്നു. ഈ അധിക തസ്തികകൾ 2017-18 വർഷവും തുടരുന്നുണ്ടെങ്കിൽ പ്രസ്തുത തസ്തികകളെ ഈ വർഷം അധിക തസ്തികകളായി പരിഗണിക്കരുത്. അധിക തസ്തികകൾ അനുവദിക്കുന്ന സ്കൂളുകളുടെ വിവരങ്ങൾ (പേര്, മേൽവിലാസം, ജില്ല ഉപജില്ല, അനുവദിച്ച അധിക തസ്തികകളുടെ വിവരങ്ങൾ മുതലായവ) തസ്തികനിർണയ ഉത്തരവിന്റെ പകർപ്പ് സഹിതം ബന്ധപ്പെട്ട സൂപ്പർചെക്ക്സെൽ ഓഫീസർക്ക് (തിരുവനന്തപുരം/കോഴിക്കോട്) തസ്തികനിർണയ ഉത്തരവ് പ്രസി ദ്ധീകരിച്ചാലുടൻ തന്നെ രജിസ്റ്റേർഡ് തപാലിൽ അയക്കേണ്ടതാണ്. തപാൽ രജി സ്റ്റർ ചെയ്ത രസീതിന്റെ പകർപ്പ് തസ്തികനിർണയ ഫയലിൽ സൂക്ഷിക്കണം. അധിക തസ്തികകൾ അനുവദിക്കപ്പെടുന്ന മുഴുവൻ സ്കൂളുകളിലും ഈ വർഷം സൂപ്പർചെക്ക്സെൽ പരിശോധന നടത്തുന്ന
-------------------------------------------------------------------------------------------------------

പി.ഡി.എഫും തുറന്നു നോക്കൂ


Malayalam Posts Reading in Firefox

മലയാളത്തില്‍ എഴുതിയ പല പോസ്റ്റുകളും അതുപോലെത്തന്നെ മലയാളത്തിലുള്ള പല കണ്ടെന്റുകളും ഫയര്‍ ഫോക്സില്‍ ഓപന്‍ ചെയ്യുമ്പോള്‍ ചില്ലക്ഷരങ്ങളും മറ്റും കൃത്യമായി വായിക്കാന്‍ പറ്റില്ല. ഇതിനൊരു പരിഹാരമാണ് നിര്‍ദ്ദേശിക്കുന്നത്.
ഇതുപോലെയായിരിക്കും വരുന്നുണ്ടാകുക.
നേരത്തെ പറഞ്ഞതുപോലെ ഫയര്‍ ഫോക്സില്‍ ആഡ് ഓണ്‍ എടുക്കുക.
ടൂള്‍സ് എന്ന മെനുവിലാണ് ആഡ് ഓണ്‍സ്

ഇതില്‍ കാണുന്ന സെര്‍ച്ച് ബോക്സില്‍ Malayalam എന്ന് ടൈപ്പ് ചെയ്ത് സെര്‍ച്ച് ചെയ്യുക
വരുന്ന റിസള്‍ട്ടിലെ എടുക്കുക

ആഡ്  ടു ഫയര്‍ ഫോക്സ് കൊടുക്കുക
 വീണ്ടും ആഡ് കൊടുക്കുക
ഈ കണ്‍ഫര്‍മേഷനും നല്‍കുക
മുകളില്‍ 
വന്നിട്ടുണ്ടാകും. ഇപ്പോള്‍ മലയാളം നന്നായി വായിക്കാന്‍ കഴിയും.വേണമെങ്കില്‍ ഫോണ്ട് സെലക്റ്റ് ചെയ്യാം
പേജ് ഒന്ന് റിഫ്രഷ് ചെയ്താല്‍ മതി. ഇതുപോലെയാകും