സമന്വയയിൽ ആകെ Sanctioned Post കണക്ക് എടുക്കുന്നതിന്

 AEO/DEO ലോഗിനിൽ പ്രവേശിക്കുക.

 AEO ലോഗിനിൽ ഡാഷ് ബോ‍ർഡിൽ ഹോം പേജിൽ Attachment Repository എന്ന മെനു കാണാം.

DEO ലോഗിനിൽ

ഹോം പേജിലെ ലിങ്കിൽ ആണ് ഈ മെനു കാണുക

ഇതിൽ ക്ലിക്ക് ചെയ്താൽ

പോസ്റ്റുകളുടെ വിവരം ലഭിക്കുന്നതാണ്

സമന്വയ-ഭിന്നശേഷി നിയമനം-റോസ്റ്റർ ഡാറ്റാ എൻട്രി

DGE Circular

സംസ്ഥാനത്തെ പൊതു വിദ്യാഭ്യാസ വകുപ്പിനു കീഴിലുള്ള എയ്ഡഡ് സ്കൂളുകളിലെ നിയമനങ്ങളിൽ ഭിന്നശേഷി സംവരണം നടപ്പാക്കുന്നത് സംബന്ധിച്ച് സർക്കാരും ഡയറക്റ്ററും നിർദ്ദേശങ്ങൾ പുറപ്പെടുവുച്ചിരുന്നു. നിലവിൽ എയ്ഡഡ് സ്കൂളുകളിലെ നിയമനാംഗീകാരം സംബന്ധിച്ച നടപടി ക്രമങ്ങളെല്ലാം തന്നെ സമന്വയ സോഫ്റ്റ് വെയർ മുഖേനയാണ് നടത്തുന്നത്. ഭിന്നശേഷി സംവരണം നടപ്പിലാക്കുന്നത് സംബന്ധിച്ച റോസ്റ്റർ തയ്യാറാക്കുന്നതും സമന്വയ മുഖേന തന്നെയാണ്. ഇതു സംബന്ധിച്ച വിശദമായ ഹെൽപ് താഴെ നൽകുന്നു.

1.07/02/1996 മുതൽ സ്ഥാനക്കയറ്റം, അവകാശികളുടെ നിയമനം, ദിവസവേതനാടിസ്ഥാനത്തിലുള്ള നിയമനം എന്നിങ്ങനെയുള്ളവ ഒഴികെയുള്ള റഗുലർ നിയമനങ്ങളാണ് റോസ്റ്റർ പ്രകാരം ഭിന്നശേഷി നിയമനത്തിന് മാറ്റിവെക്കേണ്ട ഒഴിവുകൾ കണക്കാക്കുന്നതിന് പരിഗണിക്കുന്നത്.
2.മാനേജ്മെന്റ് വൈസായാണ് റോസ്റ്റർ വരുന്നത്.
3.ആകെയുള്ള തസ്തികകളെ 7 കാറ്റഗറികളായി തിരിച്ചിട്ടുണ്ട്.
1.പ്രൈമറി അദ്ധ്യാപക തസ്തികകൾ
2.സെക്കൻഡറി അദ്ധ്യാപക തസ്തികകൾ
3.നോൺ ടീച്ചിങ്ങ് (എല്ലാം)
4.ഹയർ സെക്കൻഡറി സീനിയർ  തസ്തികകൾ
5.ഹയർ സെക്കൻഡറി ജൂനിയർ തസ്തികകൾ
6.വൊക്കേഷണൽ ഹയർ സെക്കൻഡറി സീനിയർ  തസ്തികകൾ
7.വൊക്കേഷണൽ ഹയർ സെക്കൻഡറി ജൂനിയർ തസ്തികകൾ
മാനേജർമാർ സമന്വയയിൽ ലോഗിൻ ചെയ്താൽ RPWD Roster Data Collection
എന്ന മെനു കാണാം. 

 

ഈ പേജിന് 2 ഭാഗങ്ങളുണ്ട്. 

 1.നിയമനങ്ങൾ സംബന്ധിച്ച വിവരങ്ങൾ രേഖപ്പെടുത്തുന്നതിന്
2.എംപ്ലോയ്മെന്റ് എക്സ്ചേഞ്ചിലേക്ക് ഭിന്നശേഷി വിഭാഗം ഉദ്യോഗാർത്ഥിയെ ആവശ്യപ്പെട്ടതിന്റെ വിശദാംശങ്ങൾ ചേർക്കുന്നതിന്.
ഈ പേജിൽ മാനേജ്മെന്റിന് കീഴിലുള്ള എല്ലാ സ്കൂളുകളും കാണാവുന്നതാണ്. ഏതെങ്കിലും സ്കൂൾ കാണുന്നില്ലെങ്കിലോ, അധികമായി മറ്റൊരു മാനേജ്മെന്റിനു കീഴിലുള്ള സ്കൂൾ കാണുന്നുവെങ്കിലോ വിവരം അതാത് ജില്ലാ/ഉപജില്ലാ വിദ്യാഭ്യാസ ഓഫീസിൽ അറിയിക്കേണ്ടതാണ്.

ആദ്യം ഒന്നാംഭാഗമാണ് പൂരിപ്പിക്കേണ്ടത്
ഇടതുഭാഗത്ത് കാണുന്ന ഓരോ സ്കൂളിന്റെയും പേരിന് നേരെയുള്ള +Create ക്ലിക്ക് ചെയ്യേണ്ടതാണ്.

അപ്പോൾ വരുന്ന പേജിൽ വലതുഭാഗത്തായി കാണുന്ന + New Entry യിൽ ക്ലിക്ക് ചെയ്യേണ്ടതാണ്.

 താഴെ പറയുന്ന വിവരങ്ങളാണ് രേഖപ്പെടുത്തേണ്ടത്.

1.Category -7 കാറ്റഗറിയുണ്ട്. സെലക്റ്റ് ചെയ്യുകയാണ് വേണ്ടത്
2.Post     -ഓരോ കാറ്റഗറിയിലുമുള്ള തസ്തികകൾ കാണാവുന്നതാണ്.ദിവസവേതനം, എച്ച.ടി.വി.,പാക്കേജ് ,പി.ഇ.ടി. തസ്തികകൾ രേഖപ്പെടുത്തേണ്ടതില്ല
3.Date of Occurrence of Vacancy -ഒഴിവ വന്ന തീയ്യതി
4.Nature of Vacancy- ഒഴിവിന്റെ തരം.-സെലക്ഷനാണ്
5.Name of Appointee -നിയമിക്കപ്പെട്ടയാളുടെ പേര്
6.Date of Appointment -നിയമന തീയ്യതി
7.Nature of Appointment-നിയമന തരം(സ്ഥാനക്കയറ്റം ,ഓപൻ മാർക്കറ്റ് തുടങ്ങി)
8.Whether the appointment approved/not ? -നിയമനം അംഗീകരിച്ചോ എന്ന്
8.Order No. & Date of Approval-നിയമനം അംഗീകരിച്ച ഉത്തരവിന്റെ നമ്പറും തീയ്യതിയും
9.Whether the appointment is to be reckoned for PWD Reservation Back log?     
സ്ഥാനക്കയറ്റം,അവകാശികളുടെ നിയമനം, സർക്കാരിലേക്ക് വിട്ടുനൽകിയ എച്ച്.ടി.വി തസ്തികയിലേയും മറ്റും സംരക്ഷിതാദ്ധ്യാപകരുടെ നിയമനം, പി.ഇ.ടി. തസ്തിക എന്നിവ ബാക്ക് ലോഗിന് പരിഗണിക്കില്ല.റഗുലറായി ഓപൻ മാർക്കറ്റിൽ നിന്നും പി.ഇ.ടി.ഒഴികെയുള്ള എല്ലാ നിയമനങ്ങളും ബാക്ക് ലോഗിന് പരിഗണിക്കും.
10.Whether the appointee is differently abled?-നിയമിക്കപ്പെട്ടയാൾ ഭിന്നശേഷി വിഭാഗത്തിൽ വരുമോ
ഇത്രയും വിവരങ്ങൾ ചേർത്ത് സേവ് ചെയ്തതിനുശേഷം വീണ്ടും + New Entry യിൽ ക്ലിക്ക് ചെയ്ത് അടുത്ത നിയമനവിവരങ്ങൾ രേഖപ്പെടുത്തണം.

സേവ് ചെയ്തു കഴിഞ്ഞാൽ സേവ് ചെയ്ത വിവരങ്ങൾ എഡിറ്റു ചെയ്യുന്നതിനും ഡിലീറ്റ് ചെയ്യുന്നതിനും അവിടെ ബട്ടൺ കാണാം

ഇത്തരത്തിൽ മാനേജ്മെന്റിലെ എല്ലാ സ്കൂളുകളിലെയും നിയമനവിവരങ്ങൾ രേഖപ്പെടുത്തേണ്ടതുണ്ട്.
തുടർന്ന് വലതുഭാഗത്ത് എംപ്ലോയ്മെന്റ് എക്സ്ചേഞ്ചിലേക്ക് ഭിന്നശേഷി ഉദ്യോഗാർത്ഥിയെ ആവശ്യപ്പെട്ടുകൊണ്ടുള്ളതിന്റെ വിശദവിവരങ്ങളാണ് രേഖപ്പെടുത്തേണ്ടത്.

 ഇവിടെ ഓരോ കാറ്റഗറിയിലേയുമായാണ് നൽകേണ്ടത്.
ഓരോ കാറ്റഗറിയുമെടുത്ത്
1.No. of vacancies reported to employment exchange for RPWD -ആ കാറ്റഗറിയിൽ എത്ര പോസ്റ്റുകൾ റിപ്പോർട്ടു ചെയ്തു
2.Post -തസ്തിക സെലക്റ്റ് ചെയ്യുക
3.Date of Vacancy     -ഒഴിവ് വന്ന തീയ്യതി
4.Nature of Vacancy-ഒഴിവിന്റെ തരം
എന്നിവയാണ് രേഖപ്പെടുത്തേണ്ടത്. 

 

ഇത്തരത്തിൽ ഒരു മാനേജ്മെന്റിലെ എല്ലാ വിവരങ്ങളും ചേർത്തുകഴിഞ്ഞാൽ താഴെ കാണുന്ന സത്യപ്രസ്താവനയിൽ ടിക്ക് ചെയ്ത് കൺഫേം ചെയ്യേണ്ടതാണ്.

 

 

ഇങ്ങനെ കൺഫേം ചെയ്തുകഴിഞ്ഞാൽ 

 

 

മുകളിലായി View Report എന്ന് കാണാം.

 ഇതിൽ ഈ ഓഫീസിൽ നിന്ന് നിർദ്ദേശിച്ച അനുബന്ധം 2 പ്രഫോർമ കാണാവുന്നതാണ്.

 

 ആയത് അതാത് വിദ്യാഭ്യാസ ഓഫീസുകളിൽ ലഭ്യമായിരിക്കും.സമർപ്പിക്കപ്പെട്ട വിവരങ്ങളിൽ അപാകത കണ്ടെത്തിയാൽ മാനേജ്മെന്റിന് കീഴിൽ സ്കൂളുള്ള ഏത്  ജില്ലാ/ഉപജില്ലാ വിദ്യാഭ്യാസ ഓഫീസിലും  രേഖാമൂലം അറിയിച്ച് റീസെറ്റ് ചെയ്ത് വാങ്ങി ആവശ്യമായ തിരുത്തൽ നടത്തി വീണ്ടും കൺഫേം ചെയ്യേണ്ടതാണ്.
-----------------------------------------------------------------------------------------------------------

ഡി.ഇ.ഒ/എ.ഇ.ഒ.ലോഗിനിൽ

RPWD Roster Data Collection എന്ന മെനു കാണാം

 

ഇവിടെ ക്ലിക്ക് ചെയ്താൽ

മാനേജർമാർ സബ്മിറ്റ് ചെയ്ത ഡാറ്റയും റീസെറ്റ് ബട്ടനും കാണാം.ഇതുപയോഗിച്ച് റീസെറ്റ് ചെയ്യാവുന്നതാണ്.

An Excel Trick to Refix Strength/Stamp Distribuition

 ഓഫീസുകളിൽ പലപ്പോഴും വരുന്ന ഒരു വർക്ക് ആണ് എണ്ണം മാറ്റി പുതുതിലേക്ക് സെറ്റ് ചെയ്യുക എന്നത്.ഉദാഹരണമായി ആകെ കുട്ടികളുടെ എണ്ണം 500 ആണ് എന്ന് കരുതുക. ആകെ 375 സ്റ്റാമ്പ് ആണ് വന്നിട്ടുള്ളത്. അപ്പോൾ ഓരോ എണ്ണത്തിനെയും പുതുതായി ക്രമീകരിച്ച് ആകെ 375 ലേക്ക് എത്തിക്കേണ്ടതുണ്ട്.ഇങ്ങനെ ചെയ്യുമ്പോൾ എല്ലാം ഒരേ ക്രമത്തിൽ സെറ്റ് ചെയ്യുകയും വേണം.ഇത് എങ്ങനെ സിംപിൾ ആയി ചെയ്യാമെന്ന് നോക്കാം.ഇതേ പ്രവർത്തനം ഉച്ച ഭക്ഷണ പരിപാടിയുടെ എണ്ണവുമായി ബന്ധപ്പെട്ടും വരാറുണ്ട്.

ഈ ഉദാഹരണം നോക്കുക.ഇവിടെ ആകെ 613 കുട്ടികൾ.ഇത് 500 ലേക്ക് സെറ്റ് ചെയ്യണം.ഉദാഹരണമായി ആകെ കോളത്തിൽ മാത്രമാണ് ഇപ്പോൾ ചെയ്യുന്നത്.ഇതിനായി അടുത്ത സെല്ലിൽ ഒരു ഫോർമുല നൽകുന്നു

=ROUND(D2*500/613,0)

ഇതാണ് ഫോർമുല.ഇനി ഇത് ഡ്രാഗ് ചെയ്താൽ എല്ലാം ക്രമീകരിക്കപ്പെടും.അവസാനം ചെറിയ ചില തിരുത്തലുകൾ മാത്രം വേണ്ടി വന്നേക്കാം

ഇവിടെ ഒന്നും ചെയ്യാതെ തന്നെ 500 ആയി വന്നിട്ടുണ്ട്.

Example file

SSLC Duty Posting 2023-Order generator updated

 Click here

Help File

HM Promotion and Higher Grade-A Guide

 

പ്രധാനാദ്ധ്യാപക പ്രമോഷനും തുടർന്നു വരുന്ന പ്രധാനാദ്ധ്യാപക ഹയർ ഗ്രേഡും താഴെ പറയുന്ന തരത്തിൽ വ്യത്യസ്തമായി വരാറുണ്ട്.

1.രണ്ടും ഒരേ തീയ്യതിയിൽ (അതായത് പ്രധാനാദ്ധ്യാപകനാകുന്നതിനു മുമ്പ് തന്നെ 27/28 വർഷം സേവനം പൂർത്തീകരിച്ചവർ) പ്രധാനാദ്ധ്യാപകരുടെ ഹയർ ഗ്രേഡിനുള്ള കാലയളവ് 2 തരത്തിലെടുക്കാം.

എ.ടീച്ചറായും എച്ച്.എം.ആയും കൂടി കൂട്ടി 27/28

ബി. പ്രധാനാദ്ധ്യാപകനായി 7/8

2.എച്ച്.എം.ആയതിനുശേഷം മുകളിൽ പറഞ്ഞ കാലാവധി പൂർത്തിയാക്കിയവർ

ഇതിൽ തന്നെ 3 വിഭാഗം വരും

എ.അദ്ധ്യാപകനായി സേവനത്തിലിരുന്ന സമയത്തെ ഇൻക്രിമെന്റ് തീയ്യതിക്ക് ശേഷം ഗ്രേഡ് കാലാവധി വരുന്നവർ

ബി. അദ്ധ്യാപകനായി സേവനത്തിലിരുന്ന സമയത്തെ ഇൻക്രിമെന്റ് തീയ്യതിക്ക് മുമ്പ് ഗ്രേഡ് കാലാവധി വരുന്നവർ

സി.അദ്ധ്യാപകനായി സേവനത്തിലിരുന്ന സമയത്തെ അതേ ഇൻക്രിമെന്റ് തീയ്യതിക്ക് ഗ്രേഡ് കാലാവധി വരുന്നവർ

വിശദമാക്കാം.

2016 ശമ്പള പരിഷ്കരണ ഉത്തരവ് ( 07/2016/ഫിൻ തീ. 20/01/2016) മുതലാണ് ഗ്രേഡിന് ഓപ്ഷൻ എടുത്തുകളഞ്ഞത്. അതായത് ഗ്രേഡ് എന്ന് ഡ്യൂ ആകുന്നുവോ അന്ന് തന്നെ ഗ്രേഡ് നൽകുന്നു.അടുത്ത ഇൻക്രിമെന്റ് നൽകുന്നത് മുമ്പ് ഇൻക്രിമെന്റ് നൽകിയിരുന്ന തീയ്യതിയിൽ തന്നെ തുടരും. ഉദാഹരണമായി 01/06/2018 ന് ഗ്രേഡ് കാലാവധി പൂർത്തിയാക്കിയ ജീവനക്കാരന് 02/06/2018 ന് ഗ്രേഡ് നൽകും. എന്നാൽ ഈ ഗ്രേഡ് നൽകുന്നതിന് മുമ്പ് സെപ്റ്റമ്പർ മാസത്തിലായിരുന്നു ഇൻക്രിമെന്റ് എന്ന് ആണെങ്കിൽ അടുത്ത ഇൻക്രിമെന്റ് ഗ്രേഡ് നൽകിയത് പരിഗണിക്കാതെ പുതിയ സ്കെയിലിൽ 01/09/2018 ന് നൽകും.ഓപ്ഷൻ ഇല്ല. പൊതുവെ ജീവനക്കാരന് കൂടുതൽ ആനുകാല്യമാണ് ലഭിക്കുന്നത് .

2016 ലെ ശമ്പള പരിഷ്കരണത്തിന് ശേഷം 2021 ലെ ശമ്പള പരിഷ്കരണത്തിലും ഇക്കാര്യത്തിൽ വ്യത്യാസമില്ല.

2021 ലെ ശമ്പള പരിഷ്കരണ ഉത്തരവ് പ്രകാരം പ്രധാനാദ്ധ്യാപക ഹയർഗ്രേഡ് കാര്യത്തിൽ അനക്സർ 6 പേര29,32 പ്രകാരം ഗ്രേഡിനുള്ള കാലാവധി എച്ച്.എം.ആകുന്ന തീയ്യതിയിൽ തന്നെ പൂർത്തിയായാലും തൊട്ടടുത്ത തീയ്യതിയിലാണ് ഗ്രേഡ് അനുവദിക്കുക .

ഇനി പ്രധാനാദ്ധ്യാപക പ്രമോഷനും ഗ്രേഡും എങ്ങനെയാണ് വ്യത്യാസം വരുന്നത് എന്ന് നോക്കാം

നമുക്ക് 4 കേസുകൾ പരിഗണിക്കാം

1.അദ്ധ്യാപകനായി ഇൻക്രിമെന്റ് വാങ്ങുന്ന തീയ്യതി	2.എച്ച്.എം.ആകുന്ന തീയ്യതി	3.എച്ച്.എം.ഹയർഗ്രേഡ്
01/07/2021	01/04/2022	02/04/2022
01/07/2021	01/04/2022	01/06/2022
01/07/2021	01/04/2022	01/07/2022
01/07/2021	01/04/2022	01/09/2022

1.ആദ്യ കേസ് പരിഗണിക്കാം.

01/07/2021 ന് അദ്ധ്യാപക തസ്തികയിൽ ഇൻക്രിമെന്റ് വാങ്ങി വന്നിരുന്ന അദ്ധ്യാപകൻ 01/04/2022 ന് എച്ച്.എം.ആയി. അദ്ദേഹം ഗ്രേഡിനുള്ള കാലാവധി പൂർത്തിയാക്കുന്നതും 02/04/2022നാണ് (27/28 വർഷത്തിലധികം സേവനകാലയളവുള്ള അദ്ധ്യാപകൻ എച്ച്.എം.ആകുമ്പോൾ)

എച്ച്.എം.ഹയർ ഗ്രേഡ് 02/04/2022ന്

ഇവിടെ 01/07/2021 ന് അദ്ധ്യാപകനായി ഇൻക്രിമെന്റ് വാങ്ങിവന്നിരുന്നു.

01/04/2022 ന് 28 എ ഫിക്സേഷൻ അനുവദിക്കാം (എച്ച്.എം.സ്കെയിൽ)

02/04/2022 ന് എച്ച്.എം.ഹയർഗ്രേഡ് അനുവദിക്കാം.ശമ്പള പരിഷ്കരണ ഉത്തരവ് അനക്സർ 6 പാര 29,32 പ്രകാരം

ഇവിടെ എച്ച്.എം.ആയതിനുശേഷം ലോവർ സ്കെയിലിൽ മാറ്റം വരുന്നത് 01/07/2022 നാണ് .എന്നാൽ അതിനുമുമ്പ് തന്നെ എച്ച്.എം.ഹയർഗ്രേഡ് 02/04/2022 ന് അനുവദിക്കപ്പെട്ടു. ഇവിടെ സർക്കാർ വ്യക്തമാക്കുന്നത് എച്ച്.എം.ആയതിനുശേഷം ഹയർഗ്രേഡ് കൂടി അനുവദിക്കപ്പെട്ടാൽ എച്ച്.എം. ഹയർഗ്രേഡിലുള്ള അദ്ധ്യാപകന്റെ ലോവർ പോസ്റ്റ് എച്ച്.എം.ആണെന്നാണ്. ഇക്കാരണത്താൽ എച്ച്.എം.ഹയർ ഗ്രേഡ് അനുവദിക്കപ്പെട്ടാൽ പിന്നീട് എച്ച്.എം.പോസ്റ്റിന്റെ സ്കെയിലിൽ മാറ്റം വന്നാലെ എച്ച്.എം. ഹയർഗ്രേഡ് സ്കെയിലിൽ മാറ്റം വരൂ. ഇനി അടുത്ത ഇൻക്രിമെന്റ് 01/04/2023 ന് മാത്രം

കേസ് 2.

01/07/2021 ന് അദ്ധ്യാപക തസ്തികയിൽ ഇൻക്രിമെന്റ് വാങ്ങി വന്നിരുന്ന അദ്ധ്യാപകൻ 01/04/2022 ന് എച്ച്.എം.ആയി. അദ്ദേഹത്തിന് ഗ്രേഡിനുള്ള അർഹത വരുന്നത് 01/06/2022നാണ് (27/28 വർഷത്തിൽ കുറവ് സേവനകാലയളവുള്ള അദ്ധ്യാപകൻ എച്ച്.എം.ആകുമ്പോൾ)

എച്ച്.എം.ഹയർ ഗ്രേഡ് 01/06/2022 ന് അനുവദിക്കാം.

ഇവിടെ 01/07/2021 ന് ഇൻക്രിമെന്റ് വാങ്ങിവന്നിരുന്നു.

01/04/2022 ന് 28 എ ഫിക്സേഷൻ അനുവദിക്കാം (എച്ച്.എം.സ്കെയിൽ)

01/06/2022 ന് എച്ച്.എം.ഹയർഗ്രേഡ് അനുവദിക്കാം.

ഇവിടെ എച്ച്.എം.ആയതിനുശേഷം ലോവർ സ്കെയിലിൽ മാറ്റം വരുന്നത് 01/07/2022 നാണ് .എന്നാൽ അതിനുമുമ്പ് തന്നെ എച്ച്.എം.ഹയർഗ്രേഡ് അനുവദിക്കപ്പെട്ടു. ഇവിടെ സർക്കാർ വ്യക്തമാക്കുന്നത് എച്ച്.എം.ആയതിനുശേഷം ഹയർഗ്രേഡ് കൂടി അനുവദിക്കപ്പെട്ടാൽ എച്ച്.എം. ഹയർഗ്രേഡിലുള്ള അദ്ധ്യാപകന്റെ ലോവർ പോസ്റ്റ് എച്ച്.എം.ആണെന്നാണ്. ഇക്കാരണത്താൽ എച്ച്.എം.ഹയർ ഗ്രേഡ് അനുവദിക്കപ്പെട്ടാൽ പിന്നീട് എച്ച്.എം.പോസ്റ്റിന്റെ സ്കെയിലിൽ മാറ്റം വന്നാലെ എച്ച്.എം. ഹയർഗ്രേഡ് സ്കെയിലിൽ മാറ്റം വരൂ. അതിനാൽ ഇവിടെ പിന്നെ റി ഫിക്സേഷനില്ല.ഇനി അടുത്ത ഇൻക്രിമെന്റ് എച്ച്.എം. സ്കെയിലിൽ മാറ്റം വരുന്ന 01/04/2023 ന് മാത്രം

കേസ് 3.

01/07/2021 ന് അദ്ധ്യാപക തസ്തികയിൽ ഇൻക്രിമെന്റ് വാങ്ങി വന്നിരുന്ന അദ്ധ്യാപകൻ 01/04/2022 ന് എച്ച്.എം.ആയി. അദ്ദേഹത്തിന് ഗ്രേഡിനുള്ള അർഹത 01/07/2022നാണ് (27/28 വർഷത്തിൽ കുറവ് സേവനകാലയളവുള്ള അദ്ധ്യാപകൻ എച്ച്.എം.ആകുമ്പോൾ)

ഇവിടെ 01/07/2021 ന് ഇൻക്രിമെന്റ് വാങ്ങിവന്നിരുന്നു.

01/04/2022 ന് 28 എ ഫിക്സേഷൻ അനുവദിക്കാം (എച്ച്.എം.സ്കെയിൽ)

എച്ച്.എം.ആയി ഉടനെ തന്നെ എച്ച്.എം.ഹയർഗ്രേഡ് അനുവദിക്കാത്തതിനാൽ ലോവർ പോസ്റ്റ് അദ്ധ്യാപക തസ്തികയാണ്.അവിടെ 01/07/2022 ന് മാറ്റം വരുന്നു.അന്ന് എച്ച്.എം. സ്കെയിലിൽ റിഫിക്സേഷൻ അനുവദിക്കാം.

സർക്കാർ വ്യക്തമാക്കുന്നത് എച്ച്.എം.ആയതിനുശേഷം ഹയർഗ്രേഡ് കൂടി അനുവദിക്കപ്പെട്ടാൽ എച്ച്.എം. ഹയർഗ്രേഡിലുള്ള അദ്ധ്യാപകന്റെ ലോവർ പോസ്റ്റ് എച്ച്.എം.ആണെന്നാണ്.ഇവിടെ എച്ച്.എം.ഹയർഗ്രേഡ് അനുവദിക്കപ്പെട്ടിട്ടില്ല. അതിനാൽ 01/07/2022 ന് എച്ച്.എം. സ്കെയിലിൽ റിഫിക്സേഷൻ അനുവദിച്ച് നൽകി അതിനുശേഷം 01/07/2022 ന് തന്നെ എച്ച്.എം. ഹയർഗ്രേഡ് അനുവദിക്കണം.തുടർന്ന് എച്ച്.എം. സ്കെയിലിൽ മാറ്റം വരുന്നത് 01/07/2023 നാണ്.അന്ന് എച്ച്.എം. ഹയർഗ്രേഡ് സ്കെയിലിൽ ഇൻക്രിമെന്റ് നൽകാം.

കേസ് 4.

01/07/2021 ന് അദ്ധ്യാപക തസ്തികയിൽ ഇൻക്രിമെന്റ് വാങ്ങി വന്നിരുന്ന അദ്ധ്യാപകൻ 01/04/2022 ന് എച്ച്.എം.ആയി. അദ്ദേഹത്തിന് ഗ്രേഡിനുള്ള അർഹത 01/09/2022നാണ് (27/28 വർഷത്തിൽ കുറവ് സേവനകാലയളവുള്ള അദ്ധ്യാപകൻ എച്ച്.എം.ആകുമ്പോൾ)

ഇവിടെ 01/07/2021 ന് ഇൻക്രിമെന്റ് വാങ്ങിവന്നിരുന്നു.

01/04/2022 ന് 28 എ ഫിക്സേഷൻ അനുവദിക്കാം (എച്ച്.എം.സ്കെയിൽ)

എച്ച്.എം.ആയി ഉടനെ തന്നെ എച്ച്.എം.ഹയർഗ്രേഡ് അനുവദിക്കാത്തതിനാൽ ലോവർ പോസ്റ്റ് അദ്ധ്യാപക തസ്തികയാണ്.അവിടെ 01/07/2022 ന് മാറ്റം വരുന്നു.അന്ന് എച്ച്.എം. സ്കെയിലിൽ റിഫിക്സേഷൻ അനുവദിക്കാം.

സർക്കാർ വ്യക്തമാക്കുന്നത് എച്ച്.എം.ആയതിനുശേഷം ഹയർഗ്രേഡ് കൂടി അനുവദിക്കപ്പെട്ടാൽ എച്ച്.എം. ഹയർഗ്രേഡിലുള്ള അദ്ധ്യാപകന്റെ ലോവർ പോസ്റ്റ് എച്ച്.എം.ആണെന്നാണ്.ഇവിടെ എച്ച്.എം.ഹയർഗ്രേഡ് അനുവദിക്കപ്പെട്ടിട്ടില്ല. അതിനാൽ 01/07/2022 ന് എച്ച്.എം. സ്കെയിലിൽ റിഫിക്സേഷൻ അനുവദിച്ച് നൽകി അതിനുശേഷം 01/09/2022 ന് തന്നെ എച്ച്.എം. ഹയർഗ്രേഡ് അനുവദിക്കണം.തുടർന്ന് എച്ച്.എം. സ്കെയിലിൽ മാറ്റം വരുന്നത് 01/07/2023 നാണ്.അന്ന് എച്ച്.എം. ഹയർഗ്രേഡ് സ്കെയിലിൽ ഇൻക്രിമെന്റ് നൽകാം.

1.Clarification to DDE,Kozhikode

2.AG Letter

3.GO Smt.Soudha.T,Palakkad

Not Official

Welcome 2023

 2023

1.Business Statement and Arrear list Maker

2.Reminder Diary 2023

3.Running Note 2023

4.Arrear list 2023 Excel  Pdf

5.Business Statement Excel Pdf

SSLC AGE CONDONATION 2023-ORDER GENERATOR-WINDOWS

 CLICK HERE TO DOWNLOAD

Teachers Bank 2022-23-Help for Offices

സമന്വയയിലൂടെ അദ്ധ്യാപക ബാങ്ക് പ്രവര്‍ത്തനങ്ങള്‍ എങ്ങിനെ ചെയ്യാമെന്ന് നോക്കാം.
ഈ വര്‍ഷത്തെ ഇത് സംബന്ധിച്ച സര്‍ക്കുലര്‍ ആദ്യം ഒന്ന് വായിക്കണം .

എ.ഇ.ഒ.മാരും ഡി.ഇ.ഒമാരും അവരവരുടെ ഓഫീസിനു കീഴിലെ  എക്സസ് ലിസ്റ്റ് കണ്‍ഫേം ചെയ്ത് ഡി.ഡി.ഇ ക്ക് വെരിഫൈ ചെയ്ത് അയക്കേണ്ടതുണ്ട്.ഇതിനായി ആദ്യം എ.ഇ.ഒ അഥവാ ഡി.ഇ.ഒ.യുടെ ലോഗിനില്‍ കയറണം.

 Create List ക്ലിക്ക് ചെയ്യുക

വരുന്ന വിൻഡോയിൽ ലിസ്റ്റിന് പേര് നൽകുക

ലിസ്റ്റ് ടൈപ്പ് To be Deployed എന്ന് സെലക്റ്റ് ചെയ്യുക(Default അതാണ്)അവിടെ ലിസ്റ്റ് പേര് നല്‍കണം.List 1 എന്ന് ആദ്യ ലിസ്റ്റിന് കൊടുക്കാം.

 

Crate ക്ലിക്ക് ചെയ്യുക

List വന്നുകഴിഞ്ഞു.

Click on Action

All list എന്നതിൽ ക്ലിക്ക് ചെയ്താൽ എല്ലാവരെയും കാണാം. 

ഒരു ലിസ്റ്റ് വരും.To be deployed, Already deployed,All List,Add staff

എന്നീ ഓപ്ഷനുകള്‍ കാണാം. To be deployed എന്നതില്‍ ഈ വര്‍ഷം ആദ്യമായി ബാങ്കില്‍ വരുന്നവര്‍, തുടര്‍ന്ന് നിലവില്‍ ബാങ്കിലുള്ളവര്‍, എല്ലാം(രണ്ടും കൂടി),പുതിയ സ്റ്റാഫിനെ ചേര്‍ക്കല്‍ ( മാനുവലായി ചെയ്ത സ്റ്റാഫ് ഫിക്സേഷനിലുള്ളവര്‍,വിട്ടുപോയവര്‍ എന്നിവരെ ആഡ് ചെയ്യാന്‍) എന്നീ ഓപ്ഷനുകള്‍ കാണാം.

 

ഇതില്‍ ആരെയെങ്കിലും ഒഴിവാക്കാനുണ്ടെങ്കില്‍ പേരിനു നേരെയുള്ള Delete ബട്ടണില്‍ ക്ലിക്ക് ചെയ്ത് ഒഴിവാക്കുക.

തുടര്‍ന്ന് ആള്‍ ലിസ്റ്റ് എടുത്ത്ചെക്ക് ചെയ്തു നോക്കി റിമാര്‍ക്ക്സ് ചെര്‍ത്ത് ആരെങ്കിലും വിട്ടുപോയത് ചേര്‍ക്കുക.

 

Add List എടുക്കുക

 PEN നൽകി സെർച്ച് ചെയ്ത് വിട്ടുപോയത് ചേർക്കാം

ഇതുവരെ സമന്വയയിൽ ചേർത്തിട്ടില്ലാത്ത ജീവനക്കാരനെ

Add New Staff എന്ന ഓപ്ഷൻ ഉപയോഗിച്ച് ചേർക്കാം

ഇത്രയും കഴിഞ്ഞ് ലിസ്റ്റ് വെരിഫൈ ചെയ്യുക.(കണ്‍ഫെം).

കണ്‍ഫേം ചെയ്യുമ്പോള്‍ ഉറപ്പ് വരുത്തേണ്ടതാണ്.
 

ഇതോടു കൂടി എ.ഇ.ഒ അഥവാ ഡി.ഇ.ഒയിലെ ജോലി കഴിഞ്ഞു.

എന്നാല്‍ ആദ്യ ലിസ്റ്റില്‍ ഉള്‍പ്പെടുത്താത്ത( കോര്‍പ്പറേറ്റ് മാനേജ്മെന്റിലെ അദ്ധ്യാപകനുണ്ടെങ്കില്‍) ആ ലിസ്റ്റ് വീണ്ടും ആഡ് ചെയ്ത് ഡി.ഡി.ഇ.ക്ക് അയക്കാം.

ഇനി ഡി.ഡി.ഇ.യില്‍ ചെയ്യേണ്ടത്.

ഡി.ഡി.ഇയുടെ ലോഗിനില്‍ അദ്ധ്യാപക ബാങ്കില്‍ ക്ലിക്ക് ചെയ്യുക
വിവിധ എ.ഇ.ഒ ,ഡി.ഇ.ഒയില്‍ നിന്നും വന്ന ലിസ്റ്റുകള്‍ കാണാം.

 

ഇനി ഇവയെ ഒന്നാക്കണം.ഇതിനായി Merged List View എന്നതില്‍ ക്ലിക്ക് ചെയ്യുക.

ഇപ്പോള്‍ എ.ഇ.ഒ.,ഡി.ഇ.ഒ.യില്‍ നിന്നും വെരിഫൈ ചെയ്യാതെ ലിസ്റ്റ് അയച്ചാല്‍ ഡി.ഡി.ഇ.യില്‍ നിന്നും റീസെറ്റ് ചെയ്താല്‍ ആ ലിസ്റ്റ് തിരികെ ഡി.ഇ.ഒ,എ.ഇ.ഒയിലേക്ക് പോകും.അവിടെനിന്നും ലിസ്റ്റ് എഡിറ്റ് ചെയ്ത് വീണ്ടും ഡി.ഡി.ക്ക് അയക്കാം.
ഇനി ഈ ലിസ്റ്റില്‍ Deployed in last year പച്ച ക്കളറിലും  Excess in current year മഞ്ഞക്കളറിലും കാണിക്കും
ഇവരെ ഡിപ്ലോയ് ചെയ്യുന്നതിനായി പേരിനു നേരെയുള്ള ഡിപ്ലോയ്മെന്റ് എന്ന ബട്ടണില്‍ ക്ലിക്ക് ചെയ്യണം.

 ഓരോ തസ്തികയിലുമുള്ളവരെ സോര്‍ട്ട് ചെയ്തെടുക്കാന്‍ കഴിയും.അവര്‍ക്ക് ഒരു സീനിയോറിട്ടി നല്‍കണം.പുതിയ ലിസ്റ്റ് വരുമ്പോള്‍ ഈ സീനിയോറിറ്റി എഡിറ്റ് ചെയ്യാന്‍ കഴിയും.ഡിപ്ലോയ്മെന്റ് എന്ന ബട്ടണ്‍ ക്ലിക്ക് ചെയ്താല്‍ 

 അവരെ Deploy ചെയ്യാനുള്ള വിന്‍ഡോ വരും.
ഇവിടെ Deployment Status അപ്ഡേറ്റ് ചെയ്യണം.

 ഏത് ഒഴിവിലേക്കാണ് Deploy ചെയ്യുന്നതെന്ന് കാണിക്കണം.

 റിമാര്‍ക്സ് എഴുതി ഡിപ്ലോയ്മെന്റ് ഡേറ്റ് കൂടി നല്‍കി സേവ് ചെയ്യണം.
 ഓരോ ലിസ്റ്റിനും ആവശ്യമുള്ള സ്റ്റാഫിനെ മാത്രം check box ൽ tick ചെയ്യുക. തുടർന്ന് Preview ബട്ടൺ ക്ലിക്ക് ചെയ്തതിനു ശേഷം വരുന്ന Publish എന്ന ബട്ടൺ ക്ലിക്ക് ചെയ്‌താൽ ലിസ്റ്റ് ആകും .

 ഇങ്ങനെ ക്രിയേറ്റ് ലിസ്റ്റ് നല്‍കിയാല്‍ ഒരു ലിസ്റ്റ് പബ്ലിഷ് ആകും. ഈ ലിസ്റ്റ് ഒരു ഉത്തരവോടു കൂടി പബ്ലിഷ് ചെയ്യേണ്ടതാണ്.ഇതില്‍ ഇന്‍റര്‍ ഡിസ്ട്രിക്റ്റ് ആയി ഡിപ്ലോയ് ചെയ്യേണ്ടവരുടെ ലിസ്റ്റ് ഡി.ജി.ഇക്ക് ലഭിക്കും.ഇനി ജില്ലയില്‍ പുനര്‍വിന്യസിക്കപ്പെട്ട അദ്ധ്യാപകനെ പിന്നീട് ഇന്‍റര്‍ ഡിസ്ട്രിക്റ്റ് ആയി ഡിപ്ലോയ് ചെയ്യേണ്ടതായി വന്നാല്‍ ആ അദ്ധ്യാപകനെ Cancel Deployment ചെയ്ത് ഇന്‍റര്‍ ഡിസ്ട്രിക്റ്റ് ആയി ഡിപ്ലോയ് ചെയ്യേണ്ടവരുടെ ലിസ്റ്റില്‍ ഉള്‍പ്പെടുത്താവുന്നതാണ്.

സംരക്ഷണാനുകുല്യത്തിന് അർഹരായവർ

1, 31/03/2011 ന് നിയമനാംഗീകാരത്തോടെ റഗുലർ സർവ്വീസിൽ തുടരുന്ന അദ്ധ്യാപക/അനദ്ധ്യാപകർ. 

2. അദ്ധ്യാപക പാക്കേജ് വഴി 01/06/2011 മുതൽ നിയമനാംഗീകാരം ലഭിച്ചഅദ്ധ്യാപക-അനദ്ധ്യാപകർ. 

3. മുൻകാല സംരക്ഷണ ഉത്തരവുകൾ വഴി സംരക്ഷണം ലഭിച്ച നിലവിലുള്ള അദ്ധ്യാപകരും അനദ്ധ്യാപകരും. 4. അദ്ധ്യാപക പാക്കേജ് വഴി ക്ലസ്റ്റർ കോർഡിനേറ്റർമാരായി നിയമിക്കപ്പെട്ട റീട്രെഞ്ച്ഡ് അദ്ധ്യാപകർ/തസ്തിക ഇല്ലാതെതന്നെ അദ്ധ്യാപക പാക്കേജ് വഴി മറ്റ് സ്കൂളിലേക്ക് പുനർവിന്യസിപ്പിച്ച് ശമ്പളം വാങ്ങിവരുന്ന സ്പെഷ്യലിസ്റ്റ് അദ്ധ്യാപകർ. 

5. 2011-12 മുതൽ 2014-15 വരെ രാജി, മരണം, റിട്ടയർമെന്റ്, പ്രൊമോഷൻ, സ്ഥലം മാറ്റം എന്നീ റഗുലർ തസ്തികകളിൽ നിയമിക്കപ്പെട്ടതും 2011-12 വർഷം രാജി, മരണം, റിട്ടയർമെന്റ്, പാമോഷൻ, സ്ഥലം മാറ്റം എന്നീ ഒഴിവുകളിൽ നിയമിക്കപ്പെട്ടവർക്ക് എൽ.പി.യിൽ 1:30 ഉം യു.പി.യിൽ 1:35 ഉം ഹൈസ്കൂളുകളിൽ 1:45 ഉം അനുപാതമനുസരിച്ച് തസ്തികകൾ ലഭ്യമായത് വഴി അംഗീകാരം ലഭിച്ചവരും, 2012-13, 2013-14, 2014-15 വർഷങ്ങളിൽ നടത്തിയനിയമനങ്ങൾക്ക് (1 മുതൽ 5 വരെ ക്ലാസുകൾക്ക്  1:30,6 മുതൽ 8 വരെ 1:35,8,9,10 ക്ലാസുകൾക്ക്  1:45 എന്ന മുറക്ക് )അംഗീകാരം ലഭിച്ചവരുമായ അദ്ധ്യാപകർ. 

(1 മുതൽ 5 വരെ സ.ഉ(പി)29/2016 തീയതി 29/01/2016 പ്രകാരം അനുവദിച്ചത്) - 

6. 2011-12 മുതൽ 2014-15 വരെ അധിക തസ്തികകളിൽ നിയമിക്കപ്പെട്ടവർക്ക് സ.ഉ.8/2022 തീയതി 14/07/2022 പ്രകാരം 31/03/2021 മുതൽ സംരക്ഷണം നൽകി ഉത്തരവായിട്ടുണ്ട്. ഇപ്രകാരം സംരക്ഷണം ലഭിച്ചവരിൽപൊതുവിദ്യാഭ്യാസ ഡയറക്ടറുടെ 05/08/2022-ാം തീയതിയിലെ ഉത്തരവിലെ ലിസ്റ്റിൽ ഉൾപ്പെട്ടവർ.

ഒന്നിലധികം സ്കൂളുകളുള്ള വ്യക്തിഗതവും, കോർപ്പറേറ്റും ആയ മാനേജ്മെന്റുകളിലെ സ്കൂളുകളിൽ നിന്നും തസ്തിക നഷ്ടമാകുന്ന ജീവനക്കാരെ സീനിയോറിറ്റി പാലിച്ച് മാനേജ്മെന്റിലെ മറ്റ് സ്കൂളുകളിലെ ലഭ്യമായ ഒഴിവുകളിൽ ക്രമീകരിക്കേണ്ടതാണ്. ഇപ്രകാരം ക്രമീകരിച്ചതിനു ശേഷവും സംരക്ഷണാനുകൂല്യമുള്ള അദ്ധ്യാപകർ / അനദ്ധ്യാപകർ പുറത്താകുന്നുണ്ടെങ്കിൽ ആയത് സംബന്ധിച്ച മാനേജർ താഴെ പറയുന്ന തരത്തിലുള്ള സത്യപ്രസ്താവന ഒന്നിലധികം റവന്യൂജില്ലകളിൽ സ്കൂളുകളുള്ള മാനേജർമാർ പൊതുവിദ്യാഭ്യാസ ഡയറക്ടർക്കും ഒരു റവന്യൂജില്ലയിൽ മാത്രം സ്കൂളുകളുള്ള മാനേജർമാർ അതാത് വിദ്യാഭ്യാസ ഉപ ഡയറക്ടർക്കും സമർപ്പിക്കേണ്ടതാണ്.
ഇപ്രകാരം സത്യപ്രസ്താവന ലഭ്യമാക്കിയതിന് ശേഷം സംരക്ഷണത്തിന് അർഹതയുള്ളതും പുനർവിന്യസിക്കപ്പെടേണ്ടതുമായ അദ്ധ്യാപകന്റെ അനദ്ധ്യാപകന്റെ പേരുവിവരം ബന്ധപ്പെട്ട ജില്ലയിലെ വിദ്യാഭ്യാസ ഉപഡയറക്ടർക്ക് മാനേജർ സാക്ഷ്യപത്രത്തിന്റെ പകർപ്പ് സഹിതം നൽകേണ്ടതാണ്.

മാനേജറുടെ സത്യപ്രസ്താവന

തസ്തിക നഷ്ടമായ, നിയമനാംഗീകാരമുള്ള ജീവനക്കാരനെ നിലനിർത്താൻ മാനേജ്മെന്റിലെ മറ്റ് സ്കൂളുകളിൽ ഒഴിവകൾ ഒന്നും ലഭ്യമല്ലെന്നും, പ്രസ്തുത കാറ്റഗറിയിൽ തസ്തിക നഷ്ടമായ ജീവനക്കാരനെക്കാൾ ജൂനിയറോ നിയമനാംഗീകാരമില്ലാത്തതോ ആയ ആരും തന്നെ മാനേജ്മെന്റിലെ മറ്റ് സ്കൂളുകളിൽ തുടരുന്നില്ലെന്നും ഇതിനാൽ പ്രസ്താവിച്ചുകൊള്ളുന്നു.