Digital Signature in Ubuntu 20.04(KITE)

 കൈറ്റിന്റെ പുതിയ ഉബുണ്ടു പതിപ്പിൽ  20.04 ഡിജിറ്റൽ സിഗ്നേച്ചർ ഡിവൈസ് പ്രവർത്തിപ്പിക്കുന്നതിന് ചെയ്യേണ്ട അധിക സെറ്റിങ്സ്

സാധാരണയായി 18.04 പതിപ്പിലേതുപോലെ ഇൻസ്റ്റാൾ ചെയ്തു നോക്കുക

അതിന്റെ വിധം ഒന്നുകൂടി നൽകുന്നു.

ഒറ്റ ക്ലിക്കിൽ ഇൻസ്റ്റാൾ ചെയ്യാനുള്ള പാക്കേജ് ഇവിടെ നിന്നും ഡൗൺലോഡ് ചെയ്യാം

തുടർന്ന് ഡൗൺലോഡ് ചെയ്ത ഫയൽ എക്സ്ട്രാക്റ്റ് ചെയ്യുക

എക്സ്ട്രാക്റ്റ് ചെയ്ത് കഴിഞ്ഞാൽ ഒരു പുതിയ ഫോൾഡർ വരും. അതു തുറക്കുക

setup.shഎന്ന ഫയൽ ഡബിൾ ക്ലിക്ക് ചെയ്യുക

അപ്പോൾ വരുന്ന വിൻഡോയിൽ റൺ ഇൻ ടെർമിനൽ എന്ന ഓപ്ഷൻ സെലക്റ്റ് ചെയ്യുക

അപ്പോൾ ടെർമിനൽ വിൻഡോ ഓപനായി പാസ്‍വേഡ് ചോദിക്കും.അതു ടൈപ്പ് ചെയ്താൽ സാധാരണയായി ഇൻസ്റ്റാൾ ആകുന്നതാണ്.

ഇനിയും ഡി.എസ്.സി വർക്കുചെയ്യുന്നില്ലെങ്കിൽ

ഇവിടെനിന്നും NICD Sign ഡൗൺലോഡ് ചെയ്യുക.

സാധാരണയായി ഡൗൺലോഡ്സ് എന്ന ഫോൾഡറിലാണ് ഇത് സേവ് ചെയ്യപ്പെടുന്നത്.

അപ്ലിക്കേഷനിൽ പോയി ആക്സസറീസ് എന്ന മെനുവിലെ ടെക്സ്റ്റ് എഡിറ്റർ തുറക്കുക

ഒന്നും ടൈപ്പ് ചെയ്യേണ്ടതില്ല

സേവ് ആസ് എന്ന മെനു എടുത്ത് ഡെസ്കടോപ്പിൽ NICDSign.desktop എന്ന പേരിൽ ഈ ഫയൽ സേവ് ചെയ്യണം.

ഡൗൺലോഡ്സ് എന്ന ഫോർഡർ തുറന്ന് റൈറ്റ് ക്ലിക്ക് ചെയ്യുക

Open in terminal എന്ന ഓപ്ഷൻ സെലക്റ്റ് ചെയ്യണം.

ടെർമിനൽ ഓപൻ ആയി വരും.അവിടെ ഈ കമാൻഡ് ടൈപ്പ് ചെയ്യുക

sudo dpkg -i NICDSign.deb

ഇൻസ്റ്റാൾ ആയിട്ടുണ്ടാകും.

ഇപ്പോൾ ഡി.എസ്.സി വർക്കിങ്ങ് ആണ്.

ഇനി ചെറിയ ഒരു പണികൂടി ഉണ്ട്.

Application-System Tools-Preferences-Startup Applications എടുക്കണം.

വലതു ഭാഗത്ത് കാണുന്ന ആഡ് ബട്ടൺ ക്ലിക്ക് ചെയ്യണം.

അപ്പോൾ വരുന്ന വിൻഡോയിൽ 

Name-NICDSign

Command: /opt/nic/NICDSign/DSCService.sh

എന്ന് ടൈപ്പ് ചെയ്ത് സേവ് ചെയ്യുക.കമെന്റ് എന്ന അവസാന ബോക്സ് ചേർക്കേണ്ടതില്ല.

എല്ലാം റെഡിയായിട്ടുണ്ടാകും.

സമന്വയ-ഡിജിറ്റൽ സിഗ്നേച്ചർ

 

സമന്വയ-ഡിജിറ്റൽ സിഗനേച്ചർ

സമന്വയയിൽ ഡിജിറ്റൽ സിഗ്നേച്ചർ ഉപയോഗിച്ച് തുടങ്ങി കുറേ നാളുകളായതിനാൽ മിക്കവാറും എല്ലാവർക്കും ഇതു സംബന്ധിച്ച നടപടിക്രമങ്ങൾ പരിചിതമായിരിക്കുമല്ലോ. എന്നിരുന്നാലും ലോക്ക് ഡൗൺ വന്നതോടെ മിക്കവാറും ഓഫീസർമാർ വീട്ടിൽ ഇരുന്നുകൊണ്ട് ഇതുവരെ ഡിജിറ്റൽ സിഗ്നേച്ചർ ഉപയോഗിച്ചിട്ടില്ലാത്ത സിസ്റ്റങ്ങളിൽ സമന്വയ ഉപയോഗിച്ചുവരുന്നുണ്ട്.ഇതുമായി ബന്ധപ്പെട്ട് ഡിജിറ്റൽ സിഗ്നേച്ചർ പ്രവർത്തിക്കുന്നില്ല എന്ന വിളികൾ ധാരാളമായി വരുന്നുണ്ട്. ഇതിന്റെ കാരണങ്ങളും പ്രതിവിധികളുമാണ് ഇവിടെ പറയാൻ പോകുന്നത്.വിൻഡോസിലാണ് എറെ പേർ ചെയ്യുന്നത്. ഡിജിറ്റൽ സിഗനേച്ചറും സമന്വയയും വിൻഡോസിലും ലിനക്സിലും പ്രവർത്തിക്കും. എന്നാൽ വിൻഡോസിൽ താഴെ പറയുന്ന ക്രമീകരണങ്ങൾ നടത്തിയാൽ മാത്രമേ പ്രവർത്തിക്കൂ.

1.ജാവ 8 ആർ.ടി.ഇ ഇൻസ്റ്റാൾ ചെയ്യണം.

2.ഇതിനുശേഷം എൻ.ഐ.സി.ഡി.സൈൻ എന്ന സോഫ്റ്റ് വെയർ ഇൻസ്ററാൾ ചെയ്യണം.

3.ഇതിനുശേഷം നിങ്ങളുടെ കൈവശമുള്ള ടോക്കൺ ഇൻസെർട്ടു ചെയ്യുക. അപ്പോൾ ടോക്കൺ ഡ്രൈവർ ഇൻസ്റ്റാൾ ചെയ്യാൻ പറയും. അത് ഇൻസ്റ്റാൾ ചെയ്യുക.

 4.മിക്കവാറും പേരുടെ കയ്യിൽ പ്രോക്സ് കീ / ട്രസ്റ്റ് കീ എന്ന ടോക്കൺ ആയിരിക്കും. ഇതാണ് എങ്കിൽ മറ്റ് സെറ്റിങ്സ് ആവശ്യമില്ല. എന്നാൽ ഇ-പാസ് ആണെങ്കിൽ ഒരു ക്രമീകരണം കൂടി നടത്തേണ്ടതുണ്ട്.

 ഇതിനായി ഡെസ്ക് ടോപ്പിലുള്ള NICD Sign ക്യൂബ് ക്ലിക്ക് ചെയ്യുക.

അപ്പോൾ ഒരു കമാൻഡ് ബോക്സ് വരികയും സോഫ്റ്റ് വെയർ പ്രവർത്തിക്കാൻ തുടങ്ങുകയും ചെയ്യും. അപ്പോൾ താഴെ ടാസ്ക് ബാറിൽ ചെറിയ ക്യൂബ് കാണാം. ഇതിൽ റൈറ്റ് ക്ലിക്ക് ചെയ്യുക. അപ്പോൾ സെറ്റിങ്സ് കാണാം.

അവിടെ ഒരു ഫയൽ ബ്രൗസ് ചെയ്യാൻ ഓപ്ഷനുള്ളതായി കാണാം. അവിടെ ടോക്കൺ ഡ്രൈവർ സെലക്റ്റ് ചെയ്ത് സേവ് ചെയ്യണം.

 Epass ടോക്കൺ ആണെങ്കിൽ System32/eps2003csp11.dll സി ഡ്രൈവിൽ വിൻഡോസ് എന്ന ഫോൾഡറിലെ സിസ്റ്റം 32 എന്ന ഫോൾഡറിൽ System32/eps2003csp11.dll ഇതുപോലുള്ള ഫയൽ കാണം. ഇതാണ് സെലക്റ്റ് ചെയ്ത് സേവ് ചെയ്യേണ്ടത്.തുടർന്ന് ടോക്കൺ ഒന്ന് ഡിറ്റാച്ച് ചെയ്ത് വീണ്ടും ഇൻസേർട്ട് ചെയ്യേണ്ടതായുണ്ട്.

ഇനി ഇത് പ്രവർത്തിക്കുന്നുണ്ടോ എന്ന് നോക്കുന്നതിനായി സമന്വയയിൽ ലോഗിൻ ചെയ്ത് പ്രൊഫൈലിൽ ക്ലിക്ക് ചെയ്യുക. അപ്പോൾ വരുന്ന വിൻഡോയിൽ ഡിജിറ്റൽ സിഗനേച്ചർ എന്ന ടാബിൽ ക്ലിക്ക് ചെയ്യുക. അപ്പോൾ ടോക്കൻ പാസ് വേഡ് ചോദിക്കുന്നുണ്ടെങ്കിൽ പ്രവർത്തിക്കുന്നു എന്ന് മനസ്സിലാക്കാം. ഇതിനായി പാസ് വേഡ് നൽകുക,തുടർന്ന് ഫയലിൽ നടപടികൾ സ്വീകരിക്കാവുന്നതാണ്. ഇനിയും ശരിയാകുന്നില്ലെങ്കിൽ താഴെ പറയുന്ന കാര്യങ്ങൾ ശ്രദ്ധിക്കുക.

1.ബ്രൗസർ(ക്രോം/ഫയർഫോക്സ്) അപ്ഡേറ്റഡ് ആയിരിക്കണം.

2.File Not Approved Yet-ഇത് ഒരു എററല്ല. ഫയലിൽ ആക്ഷൻ എടുക്കാതെ(അപ്രൂവ്/റിജക്റ്റ്) പ്രൊസീഡിങ്സ് അപ്രൂവ് ചെയ്യുമ്പോഴാണ് ഈ മെസേജ് വരുന്നത്. അതിനാൽ ഫയലിൽ ആദ്യം ആക്ഷൻ എടുക്കുക.

3.ആക്ഷൻ എടുക്കുമ്പോൾ സേവ് ആകുന്നില്ല-നിങ്ങളുടെ സിസ്റ്റത്തിലെ ആൻറി വൈറസ് സോഫ്റ്റ് വെയറാണ് ഇത് ബ്ലോക്ക് ചെയ്യുന്നത്. പ്രത്യേകിച്ച് കാസ്പർസ്കൈ പോലുള്ള ആന്റി വൈറസ് സോഫ്റ്റ് വെയറുകൾ ഡിജിറ്റൽ സിഗ്നേച്ചർ ആപ്ലെറ്റ് ബ്ലോക്ക് ചെയ്യുന്നു. ഇതിനായി ആൻറി വൈറസ് തൽക്കാലം പ്രവർത്തിക്കാതാക്കുക.

4.ജാവ, എൻ.ഐ.സി.ഡി സൈൻ തുടങ്ങിയവ ഇൻസ്റ്റാൾ ചെയ്യാൻ കഴിയുന്നില്ല എന്നത് നിങ്ങളുടെ ഓപറേറ്റിങ്ങ് സിസ്റ്റം എററാണ് കാണിക്കുന്നത്. ഇതിനായി ഒ.എസ് വീണ്ടും ഇൻസ്റ്റാൾ ചെയ്യേണ്ടിവരും. ഇത്തരത്തിലുള്ള വലിയ മാറ്റങ്ങൾ എനിഡെസ്ക് ഉപയോഗിച്ച് ചെയ്തു തരുന്നതല്ല കാരണം ഈ സിസ്റ്റം സെറ്റു ചെയ്തു വെച്ച പല വാല്യുകളും മാറിപ്പോകും.പിന്നീട് ഉപയോഗിക്കുമ്പോൾ പ്രശ്നം കാണിക്കും.

ഇനി ഉബുണ്ടുവിലാകട്ടെ, 14.1,18.4 മുതലുള്ള ഐ.ടി.സ്കൂൾ ഉബുണ്ടുവിലേ ഇത് പ്രവർത്തിക്കൂ. 14.1 ആദ്യ വേർഷനുകളിൽ ക്രോം ഇൻസ്റ്റാൾ ചെയ്യാൻ കഴിയുന്നില്ല എങ്കിൽ പുതിയ 18 വേർഷനിലേക്ക് മാറ്റുക. ഉബുണ്ടുവിൽ ഒറ്റ ക്ലിക്കിൽ ജാവയും എൻ.ഐ.സി.ഡി.സൈനും പ്രോക്സ് കീയും ഇൻസ്റ്റാൾ ചെയ്യുന്നതിന് ഇവിടെ ക്ലിക്ക് ചെയ്യുക.

ഇ പാസ് ആണ് എങ്കിൽ മുകളിലെ സിംഗിൾ പാക്കേജ് ഇൻസ്റ്റാൾ ചെയ്തിനുശേഷം

ഇവിടെ ക്ലിക്ക് ചെയ്ത് നിർദ്ദേശങ്ങൾ അനുസരിക്കുക. ബ്രൗസർ അപ്ഡേറ്റ് ആയിരിക്കണം.

ഇനി പ്രൊസീഡിങ്സ് അപ്രൂവ് ചെയ്യുമ്പോൾ ഡിജിറ്റൽ സിഗ്നേച്ചർ സപ്പോർട്ട് ചെയ്യുന്നില്ല എന്ന എറർ വരുമ്പോൾ ഈ വീഡിയോ ശ്രദ്ധിക്കുക.

ഉണ്ണിക്കൃഷ്ണൻ.ആർ.കെ.

സ്റ്റേറ്റ് നോഡൽ ഓഫീസർ,സമന്വയ

Digital Signature in Samanwaya-Trouble Shooter

 1.സമന്വയയിൽ ഡിജിറ്റൽ സിഗ്നേച്ചർ ഏർപ്പെടുത്തിയ ഡി.ജി.ഇ സർക്കുലർ ആദ്യം വായിക്കുക

2.സമന്വയയിൽ ആക്ഷൻ എടുക്കുന്നതിനും ഉത്തരവ്/നടപടിക്രമം /ഡ്രാഫ്റ്റ് അംഗീകരിക്കുന്നതിനുമാണ് ഡിജിറ്റൽ സിഗ്നേച്ചർ ഉപയോഗിക്കുന്നത്.

3.സമന്വയ ഡിജിറ്റൽ സിഗ്നേച്ചർ യൂസർ ഗൈഡ് വായിക്കുക

4.ഹെൽപ് വീഡിയോ കാണുക

5.എല്ലാ ഓഫീസിലും സ്പാർക്ക്, ബിംസ് എന്നിവ ഉപയോഗിക്കുന്നതിന് ഡിജിറ്റൽ സിഗ്നേച്ചർ എനാബിൾഡ് ആയ സിസ്റ്റത്തിൽ ആദ്യം ഓഫീസർ ലോഗിൻ ചെയ്ത് ഉപയോഗിച്ച് നോക്കുക. ഈ സിസ്റ്റത്തിൽ ഡിജിറ്റൽ സിഗ്നേച്ചർ ഡിവൈസ് സോഫ്റ്റ് വെയർ ഇൻസ്റ്റാൾ ചെയ്തിരിക്കും എന്നതിനാൽ സമന്വയയിൽ രജിസ്റ്റർ ചെയ്യുക മാത്രമേ വേണ്ടൂ.

6.ഇതല്ലാതെയുള്ള സിസ്റ്റങ്ങളിൽ ആദ്യം ഡിജിറ്റൽ സിഗ്നേച്ചർ ക്ലയൻറ് സോഫ്റ്റ് വെയർ ഇൻസ്റ്റാൾ ചെയ്യണം. ഇത് എങ്ങിനെയാണ് എന്ന് ഇവിടെ കാണാം.

7.ഉബുണ്ടു സിസ്റ്റത്തിൽ ഇൻസ്റ്റലേഷനുള്ള സിംഗിൾ പാക്കേജ്   ഡൗൺലോഡ് ചെയ്ത് റൺ ചെയ്തും ഉപയോഗിക്കാം.

8.തുടർന്ന് സമന്വയയിൽ രജിസ്റ്റർ ചെയ്യണം. ഇത് ഹെൽപ് ഫയലിൽ ഉണ്ട്.

10.സമന്വയ ഡിജിറ്റൽ സിഗ്നേച്ചർ വരുന്നതിന് മുമ്പ് തയ്യാറാക്കിയ draft സിഗ്നേച്ചർ വന്നതിനുശേഷം അപ്രൂവ് ചെയ്യുമ്പോൾ ആദ്യ draft copy ചെയ്ത് new draft എടുത്ത് അംഗീകരിക്കണം. ഈ കാര്യത്തിൽ ഉണ്ടായിരുന്ന bug ശരിയാക്കിയിട്ടുണ്ട്. ഇപ്പോൾ പുതിയ draft ലേക്ക് copy ചെയ്ത് അംഗീകരിക്കാൻ കഴിയും

11.Rail net കണക്ഷനുള്ള ഓഫീസുകളിൽ സമന്വയ ഡിജിറ്റൽ സിഗ്നേച്ചർ ബ്ലോക്ക് ചെയ്യുന്നുണ്ട്. ആ നെറ്റ് അഡ്മിനെ വിളിച്ച്
http://api.kite.kerala.gov.in:8080/dscapi ഇത് unblock ചെയ്യാൻ പറയണം

12.സംശയങ്ങൾ കൈറ്റിലേക്ക് വിളിക്കേണ്ടതില്ല. 9846703509 നമ്പറിലേക്ക് വാട്സാപ്പ് ചെയ്യുക. എല്ലാവരുടെയും സംശയങ്ങൾ ക്രമത്തിൽ തീർത്തുതരുന്നതിന് ശ്രമിക്കും. കാത്തിരിക്കുക

13.സൈൻ ചെയ്യാൻ പറ്റാത്ത കേസുകളിൽ രണ്ട് കാര്യങ്ങൾ പരീക്ഷിക്കുക.

1.നെറ്റ് കണക്ഷൻ മാറ്റി മൊബൈൽ നെറ്റോ മറ്റോ പരീക്ഷിക്കുക.

2.മറ്റൊരു സിസ്റ്റത്തിൽ പരീക്ഷിക്കുക.

 

സമന്വയ-ഡിജിറ്റൽ സിഗ്നേച്ചർ

   സമന്വയയിലൂടെ പുറപ്പെടുവിക്കുന്ന എല്ലാ ഉത്തരവുകളും ഡിജിറ്റലി സൈ൯ഡ് ആയി നൽകുന്നതിന് തീരുമാനിച്ചിരിക്കുന്നു 16/03/2021 മുതൽ സമന്വയയിലൂടെ എടുക്കുന്ന ഉത്തരവുകളും ഡിജിറ്റലി സൈൻഡ് ആയിരിക്കും. ആക്ഷൻ എടുക്കുന്നതിനും ഡിജിറ്റൽ സിഗ്നേച്ചർ ആവശ്യമാണ്. മാനേജർമാർക്ക് നിലവിൽ ഡിജിറ്റൽ സിഗ്നേച്ചർ ഏർപ്പെടുത്തിയിട്ടില്ല.

          ഇത്തരത്തിൽ ഡിജിറ്റൽ സിഗ്നേച്ചർ ഏർപ്പെടുത്തുമ്പോൾ ഡിജിറ്റലീ സൈൻഡ് ആയി ലഭിക്കുന്ന ഉത്തരവുകൾ മാനേജർമാർക്ക് തപാലിലൂടെ അയക്കേണ്ടതില്ല. മാനേജർമാരുടെ ലോഗിനിൽ ഉത്തരവ് ഡൗൺലോഡ് ചെയ്ത് എടുക്കാവുന്നതാണ്.ഇത്തരത്തിൽ ഡൗൺലോഡ് ചെയ്തെടുക്കുമ്പോൾ ആ ഉത്തരവ് കാണുന്ന തീയ്യതി സോഫ്റ്റ് വെയറിൽ സ്വയം രേഖപ്പെടുത്തുന്നതാണ്. എന്നാൽ മാനേജർമാർക്ക് തപാലിലൂടെ ലഭിക്കുന്ന ഉത്തരവ് കൈപ്പറ്റുന്ന തീയ്യതി അപ്പീൽ നൽകുമ്പോൾ ഒരു തവണ മാത്രം ചേർക്കുന്നതിന് സൗകര്യമുണ്ട്.

          ഡിജിറ്റൽ സിഗ്നേച്ചർ  ഉപയോഗിച്ചല്ലാതെ നിലവിൽ ആക്ഷൻ എടുത്ത ഫയലുകളിൽ ഉത്തരവ് അംഗീകരിക്കുന്നതിനായി ഡിജിറ്റൽ സിഗ്നേച്ചർ ആവശ്യമാണ്. മൊഡ്യൂൾ അപ്ഡേറ്റ് ചെയ്യുന്നതിന് മുമ്പ് തയ്യാറാക്കിയ പ്രൊസീഡിങ്സുകൾ മൊഡ്യൂൾ അപ്ഡേറ്റ് ചെയ്തതിനു ശേഷം അംഗീകരിക്കുന്ന സാഹചര്യത്തിൽ പുതിയ ഡ്രാഫ്റ്റ് തയ്യാറാക്കി അംഗീകരിക്കേണ്ടതുണ്ട്. ഉത്തരവുകൾ അംഗീകരിക്കുന്നതോടെ ഫയൽ ക്ലോസ് ആകുന്നതാണ്.

എങ്ങനെയാണ് സമന്വയയിൽ ഡിജിറ്റൽ സിഗ്നേച്ചർ പ്രവർത്തനക്ഷമമാക്കുന്നത് എന്ന് നോക്കാം.

സ്പാർക്കിൽ ഡിജിറ്റൽ സിഗ്നേച്ചർ പ്രവർത്തിക്കുന്ന അതേ രീതിയിലാണ് സമന്വയയിലും പ്രവർത്തിക്കുന്നത്. ഇതിനായി ആദ്യം ചെയ്യേണ്ടത് നാം ഉപയോഗിക്കുന്ന സിസ്റ്റത്തിൽ ഡിജിറ്റൽ സിഗ്നേച്ചർ പ്രവർത്തിക്കുന്നതിന് ആവശ്യമായ സോഫ്റ്റ് വെയറുകൾ ഇൻസ്റ്റാൾ ചെയ്യുകയാണ് വേണ്ടത്. സ്പാർക്ക് ഉപയോഗിക്കുന്നവർക്ക് ഇത് അറിയാവുന്നതാണ്. സ്പാർക്ക് സൈറ്റിൽ വിൻഡോസ്/ലിനക്സ് ഡ്രൈവറുകളും യൂസർമാനുവലും ലഭ്യമാണ്. ഇതിനായി ഇവിടെ ക്ലിക്ക് ചെയ്യുക.ഐ.ടി @ സ്കൂൾ ലിനക്സിൽ (14,18 വേർഷനുകളിൽ) ഒറ്റ ക്ലിക്കിൽ ഇതിനാവശ്യമായ എല്ലാ ഫയലുകളും ഇൻസ്റ്റാൾ ചെയ്യുന്നതിനായി ഇവിടെ ക്ലിക്ക് ചെയ്യുക.

തുടർന്ന് ഡിജിറ്റൽ സിഗ്നേച്ചർ ഡിവൈസ് സോഫ്റ്റ് വെയർ കൂടി (ഡിവൈസിനൊപ്പം ലഭിക്കും) ഇൻസ്റ്റാൾ ചെയ്യണം.

ഇനി സമന്വയ തുറക്കാം

സിസ്റ്റത്തിൽ ഡിജിറ്റൽ സിഗ്നേച്ചർ റെഡി ആണെങ്കിൽ ഇങ്ങനെ കാണിക്കും

ഇനി സമന്വയയിൽ ലോഗിൻ ചെയ്യുക(ഓഫീസർ).

അപ്പോൾ ഡിജിറ്റൽ സിഗ്നേച്ചർ രജിസ്റ്റർ ചെയ്യുന്നതിനായി മെസേജ് കാണിക്കും.ഈ സമയം ടോക്കൺ കണക്റ്റ് ചെയ്ത് ടോക്കൺ പാസ് വേഡ് നൽകിയാൽ സമന്വയ ഡിജിറ്റൽ സിഗ്നേച്ചർ റീഡ് ചെയ്യുകയും സിഗ്നേച്ചർ (സർട്ടിഫിക്കറ്റ്) വിവരങ്ങൾ കാണിക്കുകയും ചെയ്യും.

 ഇതല്ലാതെ പ്രൊഫൈലിലൂടെയും രജിസ്റ്റർ ചെയ്യാം.പ്രൊഫൈൽ എടുക്കുമ്പോൾ രജിസ്റ്റർ ചെയ്തിട്ടുണ്ടോ എന്ന് കാണിക്കും.

അവസാനം കാണുന്ന ഡിജിറ്റൽ സിഗ്നേച്ചർ എന്ന ടാബ് ഉപയോഗിക്കാം.

ഡിവൈസ് കണക്റ്റ് ചെയ്തിരിക്കണം.രജിസ്റ്റർ സർട്ടിഫക്കറ്റ് എന്ന് ക്ലിക്ക് ചെയ്ത് ടോക്കൺ പാസ് വേഡ് നൽകുക

 

സമന്വയയിൽ ഇപ്പോൾ രജിസ്റ്ററായി കഴിഞ്ഞു.

ഇപ്പോൾ പ്രൊഫൈലിൽ മാറ്റം വന്നതായി കാണാം.

മാത്രമല്ല, മുകളിൽ ഒരു ടിക് മാർക്ക് കൂടി വന്നിട്ടുണ്ടാകും.

ഇനി നമുക്ക് ഫയൽ ആക്ഷൻ എടുക്കാം.

ആക്ഷൻ എടുക്കുന്നതെല്ലാം പഴയതുപോലെയാണ്. എന്നാൽ എടുത്ത ആക്ഷൻ സേവ് ചെയ്യുമ്പോൾ ടോക്കൺ പാസ് വേഡ് ചോദിക്കുന്നതാണ്.

 

ഈ സമയത്ത് ടോക്കൺ കണക്റ്റഡ് അല്ലെങ്കിൽ താഴെ കാണിക്കുന്നതാണ്.ഇപ്പോൾ ആക്ഷൻ ഡിജിറ്റലി വെരിഫൈഡ് ആയി.

ഇനി ഉത്തരവ് സേവ് ആസ് പ്രൊസീഡിങ്സ് ആക്കുമ്പോളും ഇതേ പോലെ ടോക്കൺ പാസ് വേഡ് നൽകേണ്ടതാണ്.

ഡിജിറ്റൽ സിഗ്നേച്ചർ ഉപയോഗിച്ച് എടുത്ത ആക്ഷനെ തുടർന്നുള്ള ഉത്തരവിൽ ഇപ്രകാരം ഈ ഡ്രാഫ്റ്റ് ഡിജിറ്റൽ സിഗ്നേച്ചറിന് അനുകൂലമാണെന്ന് കാണിക്കും. സമന്വയയിൽ ഡിജിറ്റൽ സിഗ്നേച്ചറിന് മുമ്പ് തയ്യാറാക്കിയ ഉത്തരവുകളുടെ ഡ്രാഫ്റ്റ് വീണ്ടും തയ്യാറാക്കേണ്ടി വരും.

അപ്രൂവ് ഡ്രാഫ്റ്റ് നൽകുമ്പോഴാണ് ടോക്കൻ പാസ് വേഡ് ചോദിക്കുക.

എൻ.എസ്.ഡി സൈനറിൽ യെസ് നൽകുക.

ഇത്തരത്തിൽ ഉത്തരവ് അംഗീകരിക്കുന്നതോടെ ഫയൽ ക്ലോസ് ആകുന്നു. ഫയൽ ഇപ്പോൾ ആർക്കൈവ്സി. കാണാം.മാനേജർ ഉത്തരവ് ഡൗൺലോഡ് ചെയ്ത തീയ്യതിയും അവിടെ അപ്ഡേറ്റ് ആകുന്നതാണ്.

 

ഇനി മാനേജറുടെ ലോഗിൻ കൂടി നോക്കാം.

 മാനേജറുടെ ലോഗിനിൽ മെനുകൾ വെർട്ടിക്കൽ ആക്കിയിട്ടുണ്ട്. ഇതിൽ നിയമനാംഗീകാരത്തിൽ ക്ലിക്ക് ചെയ്യുമ്പോൾ

ഉത്തരവ് ഡൗൺലോഡ് ചെയ്ത തീയ്യതിയും കൂടെ അപ്ഡേറ്റ് ആകുന്നതാണ്.

ഹെൽപ് വീഡിയോ