Govt Primary HM Promotion

സർക്കാർ എൽ.പി./യു.പി. സ്കൂളുകളിൽ നിലവിൽ താൽക്കാലികമായി സ്ഥാനക്കയറ്റം ലഭിച്ച എല്ലാ പ്രധാനാദ്ധ്യാപകർക്കും ശമ്പള സ്കെയിൽ അനുവദിച്ച് സർക്കാർ ഉത്തരവായിരിക്കുകയാണല്ലോ.സർക്കാർ ഉത്തരവ് നം 6414/2023/പൊ.വി.വ.തീ.19/10/2023 പ്രകാരമാണ് ഇത്തരത്തിൽ ഉത്തരവായിട്ടുള്ളത്. ഇതു സംബന്ധിച്ച് ശമ്പളം നിർണ്ണയിക്കുന്നതിനും കുടിശ്ശിക അനുവദിക്കുന്നതിനും പൊതു വിദ്യാഭ്യാസ ഡയറക്റ്ററെ ചുമതലപ്പെടുത്തുകയുമുണ്ടായി. ബഹു. പൊതു വിദ്യാഭ്യാസ ഡയറക്റ്ററുടെ പുറത്തെഴുത്ത് കത്ത് നം.എം2/1570/2020 തീ.20/10/2023 പ്രകാരം ശമ്പളം നിർണ്ണയിക്കുന്നതിനും കുടിശ്ശിക അനുവദിക്കുന്നതിനും അതാത് ഉപജില്ലാ വിദ്യാഭ്യാസ ഓഫീസർമാർക്ക് നിർദ്ദേശം നൽകിയിട്ടുണ്ട്. ഇതുപ്രകാരം ഒരു പ്രധാനാദ്ധ്യാപകന് ശമ്പള നിർണ്ണയം നടത്തുന്നത് എങ്ങനെയാണെന്ന് നോക്കാം.കെ.എസ്.എസ്.ആർ പാർട്ട് 2 ചട്ടം 31(എഫ്) പ്രകാരമാണ് ശമ്പളം നർണ്ണയിക്കേണ്ടത്. എന്താണ് ഈ ചട്ടമെന്ന് നോക്കാം.

There shall be paid to a person promoted under sub- rule (a) or (b) either the minimum of the higher time scale of pay, or the pay admissible to him in the higher
time scale based on the pay in the lower time scale applicable to him under the rules regulating the fixation of pay from time to time, whichever is higher. He shall be paid increments in the time scale at the time intervals, as fixed by Government from time to time.

ചട്ടം 31 എന്നത് താൽക്കാലിക സ്ഥാനക്കയറ്റത്തെ കുറിച്ച ചട്ടമാണ്.

സബ് റൂൾ (എ) അല്ലെങ്കിൽ (ബി) പ്രകാരം സ്ഥാനക്കയറ്റം ലഭിച്ച ഒരു വ്യക്തിക്ക് ഒന്നുകിൽ ഉയർന്ന സമയ ബന്ധി സ്കെയിലിന്റെ ഏറ്റവും കുറഞ്ഞ വേതനമോ അല്ലെങ്കിൽ, കാലാകാലങ്ങളിൽ വേതനം നിർണ്ണയിക്കുന്ന നിയമങ്ങൾ പ്രകാരം അയാൾക്ക് ബാധകമായ കുറഞ്ഞ സമയ സ്കെയിലിലെ ശമ്പളത്തെ അടിസ്ഥാനമാക്കിയുള്ള സമയ ബന്ധിത സ്കെയിൽ, ഏതാണ് ഉയർന്നത് ,ആ ഉയർന്ന നിരക്കിൽ അയാൾക്ക് അനുവദനീയമായ വേതനമോ നൽകും. ഗവൺമെന്റ് കാലാകാലങ്ങളിൽ നിശ്ചയിക്കുന്ന ഇടവേളകളിൽ സമയ ബന്ധിത സ്കെയിലിൽ അയാൾക്ക് ഇൻക്രിമെന്റുകൾ നൽകും.

അതായത് ഇവിടെ കെ.എസ്.ആർ ചട്ടം 28 എ പ്രകാരം ശമ്പള നിർണ്ണയം അനുവദിക്കാം എന്നർത്ഥം

ഇനി ഇത് എങ്ങനെ ചെയ്യാം എന്ന് നോക്കാം.

HM Promotion and Higher Grade-A Guide

 

പ്രധാനാദ്ധ്യാപക പ്രമോഷനും തുടർന്നു വരുന്ന പ്രധാനാദ്ധ്യാപക ഹയർ ഗ്രേഡും താഴെ പറയുന്ന തരത്തിൽ വ്യത്യസ്തമായി വരാറുണ്ട്.

1.രണ്ടും ഒരേ തീയ്യതിയിൽ (അതായത് പ്രധാനാദ്ധ്യാപകനാകുന്നതിനു മുമ്പ് തന്നെ 27/28 വർഷം സേവനം പൂർത്തീകരിച്ചവർ) പ്രധാനാദ്ധ്യാപകരുടെ ഹയർ ഗ്രേഡിനുള്ള കാലയളവ് 2 തരത്തിലെടുക്കാം.

എ.ടീച്ചറായും എച്ച്.എം.ആയും കൂടി കൂട്ടി 27/28

ബി. പ്രധാനാദ്ധ്യാപകനായി 7/8

2.എച്ച്.എം.ആയതിനുശേഷം മുകളിൽ പറഞ്ഞ കാലാവധി പൂർത്തിയാക്കിയവർ

ഇതിൽ തന്നെ 3 വിഭാഗം വരും

എ.അദ്ധ്യാപകനായി സേവനത്തിലിരുന്ന സമയത്തെ ഇൻക്രിമെന്റ് തീയ്യതിക്ക് ശേഷം ഗ്രേഡ് കാലാവധി വരുന്നവർ

ബി. അദ്ധ്യാപകനായി സേവനത്തിലിരുന്ന സമയത്തെ ഇൻക്രിമെന്റ് തീയ്യതിക്ക് മുമ്പ് ഗ്രേഡ് കാലാവധി വരുന്നവർ

സി.അദ്ധ്യാപകനായി സേവനത്തിലിരുന്ന സമയത്തെ അതേ ഇൻക്രിമെന്റ് തീയ്യതിക്ക് ഗ്രേഡ് കാലാവധി വരുന്നവർ

വിശദമാക്കാം.

2016 ശമ്പള പരിഷ്കരണ ഉത്തരവ് ( 07/2016/ഫിൻ തീ. 20/01/2016) മുതലാണ് ഗ്രേഡിന് ഓപ്ഷൻ എടുത്തുകളഞ്ഞത്. അതായത് ഗ്രേഡ് എന്ന് ഡ്യൂ ആകുന്നുവോ അന്ന് തന്നെ ഗ്രേഡ് നൽകുന്നു.അടുത്ത ഇൻക്രിമെന്റ് നൽകുന്നത് മുമ്പ് ഇൻക്രിമെന്റ് നൽകിയിരുന്ന തീയ്യതിയിൽ തന്നെ തുടരും. ഉദാഹരണമായി 01/06/2018 ന് ഗ്രേഡ് കാലാവധി പൂർത്തിയാക്കിയ ജീവനക്കാരന് 02/06/2018 ന് ഗ്രേഡ് നൽകും. എന്നാൽ ഈ ഗ്രേഡ് നൽകുന്നതിന് മുമ്പ് സെപ്റ്റമ്പർ മാസത്തിലായിരുന്നു ഇൻക്രിമെന്റ് എന്ന് ആണെങ്കിൽ അടുത്ത ഇൻക്രിമെന്റ് ഗ്രേഡ് നൽകിയത് പരിഗണിക്കാതെ പുതിയ സ്കെയിലിൽ 01/09/2018 ന് നൽകും.ഓപ്ഷൻ ഇല്ല. പൊതുവെ ജീവനക്കാരന് കൂടുതൽ ആനുകാല്യമാണ് ലഭിക്കുന്നത് .

2016 ലെ ശമ്പള പരിഷ്കരണത്തിന് ശേഷം 2021 ലെ ശമ്പള പരിഷ്കരണത്തിലും ഇക്കാര്യത്തിൽ വ്യത്യാസമില്ല.

2021 ലെ ശമ്പള പരിഷ്കരണ ഉത്തരവ് പ്രകാരം പ്രധാനാദ്ധ്യാപക ഹയർഗ്രേഡ് കാര്യത്തിൽ അനക്സർ 6 പേര29,32 പ്രകാരം ഗ്രേഡിനുള്ള കാലാവധി എച്ച്.എം.ആകുന്ന തീയ്യതിയിൽ തന്നെ പൂർത്തിയായാലും തൊട്ടടുത്ത തീയ്യതിയിലാണ് ഗ്രേഡ് അനുവദിക്കുക .

ഇനി പ്രധാനാദ്ധ്യാപക പ്രമോഷനും ഗ്രേഡും എങ്ങനെയാണ് വ്യത്യാസം വരുന്നത് എന്ന് നോക്കാം

നമുക്ക് 4 കേസുകൾ പരിഗണിക്കാം

1.അദ്ധ്യാപകനായി ഇൻക്രിമെന്റ് വാങ്ങുന്ന തീയ്യതി	2.എച്ച്.എം.ആകുന്ന തീയ്യതി	3.എച്ച്.എം.ഹയർഗ്രേഡ്
01/07/2021	01/04/2022	02/04/2022
01/07/2021	01/04/2022	01/06/2022
01/07/2021	01/04/2022	01/07/2022
01/07/2021	01/04/2022	01/09/2022

1.ആദ്യ കേസ് പരിഗണിക്കാം.

01/07/2021 ന് അദ്ധ്യാപക തസ്തികയിൽ ഇൻക്രിമെന്റ് വാങ്ങി വന്നിരുന്ന അദ്ധ്യാപകൻ 01/04/2022 ന് എച്ച്.എം.ആയി. അദ്ദേഹം ഗ്രേഡിനുള്ള കാലാവധി പൂർത്തിയാക്കുന്നതും 02/04/2022നാണ് (27/28 വർഷത്തിലധികം സേവനകാലയളവുള്ള അദ്ധ്യാപകൻ എച്ച്.എം.ആകുമ്പോൾ)

എച്ച്.എം.ഹയർ ഗ്രേഡ് 02/04/2022ന്

ഇവിടെ 01/07/2021 ന് അദ്ധ്യാപകനായി ഇൻക്രിമെന്റ് വാങ്ങിവന്നിരുന്നു.

01/04/2022 ന് 28 എ ഫിക്സേഷൻ അനുവദിക്കാം (എച്ച്.എം.സ്കെയിൽ)

02/04/2022 ന് എച്ച്.എം.ഹയർഗ്രേഡ് അനുവദിക്കാം.ശമ്പള പരിഷ്കരണ ഉത്തരവ് അനക്സർ 6 പാര 29,32 പ്രകാരം

ഇവിടെ എച്ച്.എം.ആയതിനുശേഷം ലോവർ സ്കെയിലിൽ മാറ്റം വരുന്നത് 01/07/2022 നാണ് .എന്നാൽ അതിനുമുമ്പ് തന്നെ എച്ച്.എം.ഹയർഗ്രേഡ് 02/04/2022 ന് അനുവദിക്കപ്പെട്ടു. ഇവിടെ സർക്കാർ വ്യക്തമാക്കുന്നത് എച്ച്.എം.ആയതിനുശേഷം ഹയർഗ്രേഡ് കൂടി അനുവദിക്കപ്പെട്ടാൽ എച്ച്.എം. ഹയർഗ്രേഡിലുള്ള അദ്ധ്യാപകന്റെ ലോവർ പോസ്റ്റ് എച്ച്.എം.ആണെന്നാണ്. ഇക്കാരണത്താൽ എച്ച്.എം.ഹയർ ഗ്രേഡ് അനുവദിക്കപ്പെട്ടാൽ പിന്നീട് എച്ച്.എം.പോസ്റ്റിന്റെ സ്കെയിലിൽ മാറ്റം വന്നാലെ എച്ച്.എം. ഹയർഗ്രേഡ് സ്കെയിലിൽ മാറ്റം വരൂ. ഇനി അടുത്ത ഇൻക്രിമെന്റ് 01/04/2023 ന് മാത്രം

കേസ് 2.

01/07/2021 ന് അദ്ധ്യാപക തസ്തികയിൽ ഇൻക്രിമെന്റ് വാങ്ങി വന്നിരുന്ന അദ്ധ്യാപകൻ 01/04/2022 ന് എച്ച്.എം.ആയി. അദ്ദേഹത്തിന് ഗ്രേഡിനുള്ള അർഹത വരുന്നത് 01/06/2022നാണ് (27/28 വർഷത്തിൽ കുറവ് സേവനകാലയളവുള്ള അദ്ധ്യാപകൻ എച്ച്.എം.ആകുമ്പോൾ)

എച്ച്.എം.ഹയർ ഗ്രേഡ് 01/06/2022 ന് അനുവദിക്കാം.

ഇവിടെ 01/07/2021 ന് ഇൻക്രിമെന്റ് വാങ്ങിവന്നിരുന്നു.

01/04/2022 ന് 28 എ ഫിക്സേഷൻ അനുവദിക്കാം (എച്ച്.എം.സ്കെയിൽ)

01/06/2022 ന് എച്ച്.എം.ഹയർഗ്രേഡ് അനുവദിക്കാം.

ഇവിടെ എച്ച്.എം.ആയതിനുശേഷം ലോവർ സ്കെയിലിൽ മാറ്റം വരുന്നത് 01/07/2022 നാണ് .എന്നാൽ അതിനുമുമ്പ് തന്നെ എച്ച്.എം.ഹയർഗ്രേഡ് അനുവദിക്കപ്പെട്ടു. ഇവിടെ സർക്കാർ വ്യക്തമാക്കുന്നത് എച്ച്.എം.ആയതിനുശേഷം ഹയർഗ്രേഡ് കൂടി അനുവദിക്കപ്പെട്ടാൽ എച്ച്.എം. ഹയർഗ്രേഡിലുള്ള അദ്ധ്യാപകന്റെ ലോവർ പോസ്റ്റ് എച്ച്.എം.ആണെന്നാണ്. ഇക്കാരണത്താൽ എച്ച്.എം.ഹയർ ഗ്രേഡ് അനുവദിക്കപ്പെട്ടാൽ പിന്നീട് എച്ച്.എം.പോസ്റ്റിന്റെ സ്കെയിലിൽ മാറ്റം വന്നാലെ എച്ച്.എം. ഹയർഗ്രേഡ് സ്കെയിലിൽ മാറ്റം വരൂ. അതിനാൽ ഇവിടെ പിന്നെ റി ഫിക്സേഷനില്ല.ഇനി അടുത്ത ഇൻക്രിമെന്റ് എച്ച്.എം. സ്കെയിലിൽ മാറ്റം വരുന്ന 01/04/2023 ന് മാത്രം

കേസ് 3.

01/07/2021 ന് അദ്ധ്യാപക തസ്തികയിൽ ഇൻക്രിമെന്റ് വാങ്ങി വന്നിരുന്ന അദ്ധ്യാപകൻ 01/04/2022 ന് എച്ച്.എം.ആയി. അദ്ദേഹത്തിന് ഗ്രേഡിനുള്ള അർഹത 01/07/2022നാണ് (27/28 വർഷത്തിൽ കുറവ് സേവനകാലയളവുള്ള അദ്ധ്യാപകൻ എച്ച്.എം.ആകുമ്പോൾ)

ഇവിടെ 01/07/2021 ന് ഇൻക്രിമെന്റ് വാങ്ങിവന്നിരുന്നു.

01/04/2022 ന് 28 എ ഫിക്സേഷൻ അനുവദിക്കാം (എച്ച്.എം.സ്കെയിൽ)

എച്ച്.എം.ആയി ഉടനെ തന്നെ എച്ച്.എം.ഹയർഗ്രേഡ് അനുവദിക്കാത്തതിനാൽ ലോവർ പോസ്റ്റ് അദ്ധ്യാപക തസ്തികയാണ്.അവിടെ 01/07/2022 ന് മാറ്റം വരുന്നു.അന്ന് എച്ച്.എം. സ്കെയിലിൽ റിഫിക്സേഷൻ അനുവദിക്കാം.

സർക്കാർ വ്യക്തമാക്കുന്നത് എച്ച്.എം.ആയതിനുശേഷം ഹയർഗ്രേഡ് കൂടി അനുവദിക്കപ്പെട്ടാൽ എച്ച്.എം. ഹയർഗ്രേഡിലുള്ള അദ്ധ്യാപകന്റെ ലോവർ പോസ്റ്റ് എച്ച്.എം.ആണെന്നാണ്.ഇവിടെ എച്ച്.എം.ഹയർഗ്രേഡ് അനുവദിക്കപ്പെട്ടിട്ടില്ല. അതിനാൽ 01/07/2022 ന് എച്ച്.എം. സ്കെയിലിൽ റിഫിക്സേഷൻ അനുവദിച്ച് നൽകി അതിനുശേഷം 01/07/2022 ന് തന്നെ എച്ച്.എം. ഹയർഗ്രേഡ് അനുവദിക്കണം.തുടർന്ന് എച്ച്.എം. സ്കെയിലിൽ മാറ്റം വരുന്നത് 01/07/2023 നാണ്.അന്ന് എച്ച്.എം. ഹയർഗ്രേഡ് സ്കെയിലിൽ ഇൻക്രിമെന്റ് നൽകാം.

കേസ് 4.

01/07/2021 ന് അദ്ധ്യാപക തസ്തികയിൽ ഇൻക്രിമെന്റ് വാങ്ങി വന്നിരുന്ന അദ്ധ്യാപകൻ 01/04/2022 ന് എച്ച്.എം.ആയി. അദ്ദേഹത്തിന് ഗ്രേഡിനുള്ള അർഹത 01/09/2022നാണ് (27/28 വർഷത്തിൽ കുറവ് സേവനകാലയളവുള്ള അദ്ധ്യാപകൻ എച്ച്.എം.ആകുമ്പോൾ)

ഇവിടെ 01/07/2021 ന് ഇൻക്രിമെന്റ് വാങ്ങിവന്നിരുന്നു.

01/04/2022 ന് 28 എ ഫിക്സേഷൻ അനുവദിക്കാം (എച്ച്.എം.സ്കെയിൽ)

എച്ച്.എം.ആയി ഉടനെ തന്നെ എച്ച്.എം.ഹയർഗ്രേഡ് അനുവദിക്കാത്തതിനാൽ ലോവർ പോസ്റ്റ് അദ്ധ്യാപക തസ്തികയാണ്.അവിടെ 01/07/2022 ന് മാറ്റം വരുന്നു.അന്ന് എച്ച്.എം. സ്കെയിലിൽ റിഫിക്സേഷൻ അനുവദിക്കാം.

സർക്കാർ വ്യക്തമാക്കുന്നത് എച്ച്.എം.ആയതിനുശേഷം ഹയർഗ്രേഡ് കൂടി അനുവദിക്കപ്പെട്ടാൽ എച്ച്.എം. ഹയർഗ്രേഡിലുള്ള അദ്ധ്യാപകന്റെ ലോവർ പോസ്റ്റ് എച്ച്.എം.ആണെന്നാണ്.ഇവിടെ എച്ച്.എം.ഹയർഗ്രേഡ് അനുവദിക്കപ്പെട്ടിട്ടില്ല. അതിനാൽ 01/07/2022 ന് എച്ച്.എം. സ്കെയിലിൽ റിഫിക്സേഷൻ അനുവദിച്ച് നൽകി അതിനുശേഷം 01/09/2022 ന് തന്നെ എച്ച്.എം. ഹയർഗ്രേഡ് അനുവദിക്കണം.തുടർന്ന് എച്ച്.എം. സ്കെയിലിൽ മാറ്റം വരുന്നത് 01/07/2023 നാണ്.അന്ന് എച്ച്.എം. ഹയർഗ്രേഡ് സ്കെയിലിൽ ഇൻക്രിമെന്റ് നൽകാം.

1.Clarification to DDE,Kozhikode

2.AG Letter

3.GO Smt.Soudha.T,Palakkad

Not Official