INSIGHT: January 2022

Thursday, January 27, 2022

BIMS-DDO Login Reset issue

BIMS ൽ കയറുമ്പോൾ പലർക്കും ഉണ്ടാകുന്ന ഒരു പ്രശ്നമാണ്

DDO User is already logged in and you may reset login through DDO Admin User

എന്ന മെസേജ് വരും.അതായത് ബിംസിൽ ലോഗിൻ ചെയ്താൽ ലോഗൗട്ട് ചെയ്തേ വിൻഡോ ക്ലോസ് ചെയ്യാവൂ. അല്ലെങ്കിൽ ഇങ്ങനെ സംഭവിക്കും.

ഇനി ഇത് പരിഹരിക്കുന്നതിന് എന്ത് ചെയ്യുമെന്ന് നോക്കാം

ഇതിനായി DDO Admin ആയി ലോഗിൻ ചെയ്യണം

തുടർന്ന് ഇടത് ഭാഗത്ത് കാണുന്ന മെനുവിൽ

Reset Login ക്ലിക്ക് ചെയ്യണം.

അപ്പോൾ താഴെ വീണ്ടും Reset Login കാണാം. ഇതിൽ ക്ലിക്ക് ചെയ്യുക

DDO കോഡ് കാണാം. തുടർന്ന് Reset ക്ലിക്ക് ചെയ്യുക

ഇനി ഇവിടേയും ലോഗൗട്ട് ചെയ്യുക.

എപ്പോഴും ഇതൊരു ശീലമാക്കുക. ഇനി ഡി.ഡി.ഒ.ആയി ലോഗിൻ ചെയ്യുക

Monday, January 24, 2022

Samanwaya File for RTI Act

സമന്വയ ഫയലുകളെ സംബന്ധിച്ച് നോട്ടടക്കം വിവരാവകാശ നിയമപ്രകാരം ആവശ്യപ്പെട്ടാൽ കൊടുക്കേണ്ടതായി വരും. ഇതിനായി ആരുടെ ലോഗിനിലാണോ ഫയലുള്ളത് , ആ ഉദ്യോഗസ്ഥന് പി.ഡി.എഫ് ആയി എടുക്കാൻ കഴിയുന്നതാണ്.

1.ലോഗിൻ ചെയ്ത് ഫയൽ ഓപൻ ചെയ്യുക

2.ഇടതു ഭാഗത്തെ ഏറ്റവും താഴെയായി Download File എന്നത് ക്ലിക്ക് ചെയ്യുക

3.അപ്പോൾ ഒരു കൺഫർമേഷൻ മെസേജ് വരുന്നതാണ്.(ഈ ഫയൽ ഡൗൺലോഡ് ചെയ്തതായി മൂവ്മെന്റ് എന്ന ഭാഗത്ത് വരും)

Yes നൽകുക

5.ഒരു പി.ഡി.എഫ് ഫയൽ ജനറേറ്റ് ചെയ്യപ്പെടുന്നതാണ്.

6.Movements എന്ന ടാബിൽ Out ward Register ൽ ഈ എൻട്രി കാണാം

Sunday, January 9, 2022

കെൽട്രോൺ മുഖേന കമ്പ്യൂട്ടർ വാങ്ങിയപ്പോൾ http://cprcs.kerala.gov.in/ എന്ന സൈറ്റ് ഉപയോഗിച്ചാണല്ലോ വർക്ക് ഓർഡർ ജനറേറ്റ് ചെയ്തതും പേമെന്റ് നടത്തിയതുമെല്ലാം . പക്ഷേ അന്ന് വർക്ക് ഓർഡർ പ്രകാരം പേമെന്റ് നൽകിയ തുകയേക്കാൾ കുറവായാണ് ബിൽ ലഭിച്ചിരിക്കുന്നത് എങ്കിൽ അധികമായി കൊടുത്ത തുക റീഫണ്ട് ലഭിക്കേണ്ടതുണ്ട്.ഇതിന് എന്ത് ചെയ്യുമെന്ന് നോക്കാം

ഡി.ജി.ഇ നിർദ്ദേശപ്രകാരം 41000/- രൂപ അലോട്ട്മെന്റ് ലഭിച്ചിരുന്നു. എന്നാൽ ഈ സൈറ്റിൽ നിർദ്ദേശിച്ച പ്രകാരമുള്ള സിസ്റ്റത്തിന്റെ വില 40134//- ആയിരുന്നു. ഈ തുക ബിംസ് വഴി കെൽട്രോണിലേക്ക് അടച്ചു. എന്നാൽ സിസ്റ്റം കൊണ്ടുവന്നപ്പോൾ ബിൽ തുക 38214/- ആണ്.(ഇത് പല ഓഫീസിലും വത്യാസമുണ്ടാകാം).എന്തായാലും വത്യാസം വന്ന തുക റീഫണ്ട് ആയി വാങ്ങി തിരിച്ചടക്കേണ്ടതുിണ്ട്.

ആദ്യം http://cprcs.kerala.gov.in/ സൈറ്റിൽ ലോഗിൻ ചെയ്യണം

ഇവിടെ ഇടത് ഭാഗത്തുള്ള Track Order എന്ന മെനു ക്ലിക്ക് ചെയ്യണം

അപ്പോൾ കാണുന്ന Work Order നമ്പർ കുറിച്ച് വെക്കണം

ഇനി താഴെയുള്ള Refund എന്ന മെനു എടുക്കുക

ഇവിടെ നേരത്തെ കുറിച്ചുവെച്ച വർക്ക് ഓർഡർ നമ്പർ ടൈപ്പ് ചെയ്യണം

ഇത് ടൈപ്പ് ചെയ്ത് നൽകി ADD ക്ലിക്ക് ചെയ്യുക

താഴെയുള്ള ബോക്സിൽ നമ്മൾ നൽകിയ തുക കാണാം.അവിടെ റീഫണ്ട് കാരണം ടൈപ്പ് ചെയ്യുക

താഴെയുള്ള ബോക്സിൽ ഓഫീസ് വിവരങ്ങൾ നൽകിയാൽ താഴെ കാണുന്ന വരിയിൽ ഈ വിവരങ്ങൾ കാണാം. ഇതിൽ ക്ലിക്ക് ചെ്ത് റിക്വസ്റ്റ് ലെറ്റർ പ്രിന്റ് എടുത്ത് ഒപ്പിട്ട് അപ് ലോഡ് ചെയ്യണം. അയക്കുകയും വേണം.അപ്പോൾറീഫണ്ട് തുക വരും. ആയത് ലഭിച്ചതിനു ശേഷം തിരിച്ചടക്കുക

Saturday, January 8, 2022

PFMS-MDM-A HELP FILE FOR SCHOOLS

PFMS

(തീർത്തും അനൗദ്യോഗികം.റഫറൻസിന് മാത്രം-അധികാരികളുടെ നിർദ്ദേശങ്ങൾക്കനുസരിച്ച് മാത്രം ഉപയോഗിക്കുക)

Public Financial Management System എന്നതിന്റെ ചുരുക്കമാണ് PFMS.കേന്ദ്രാവിഷ്കൃത പദ്ധതികളുടെ ഫണ്ട് വിനിയോഗം മോണിറ്റർ ചെയ്യുന്നതിന് ഉള്ള ഒരു ഓൺലൈൻ സംവിധാനമാണ് PFMS.കേന്ദ്രവും സംസ്ഥാന ഗവൺമെന്റും നിശ്ചിത ശതമാനം വീതം ഫണ്ട് വകയിരുത്തി നടപ്പാക്കുന്ന പദ്ധതികളാണ് കേന്ദ്രാവിഷ്കൃത പദ്ധതികൾ.(Centrally Sponsored Scheme -CSS) എന്നാണ് ഈ പദ്ധതികൾ അറിയപ്പെടുന്നത്.കേരളത്തിൽ തന്നെ വിദ്യാഭ്യാസ വകുപ്പിനുകീഴിൽ ഉച്ച ഭക്ഷണ പദ്ധതി, സർവ്വശിക്ഷാ കേരളം (SSK) തുടങ്ങിയവ ഇതിന് ഉദാഹരണങ്ങളാണ്. ഇത്തരം പദ്ധതികളുടെ ഫണ്ട് വിനിയോഗം സർക്കാർ തലത്തിൽ മോണിറ്റർ ചെയ്യുന്നതിനുള്ള സംവിധാനമാണ് PFMS.ഇത് NIC നിർമ്മിച്ച ഒരു വെബ് ആപ്ലിക്കേഷനാണ്. എന്നാൽ ഏതൊരു പദ്ധതിയുടെയും സാമ്പത്തിക കാര്യങ്ങൾ (ഫണ്ട് കൈകാര്യം) ചെയ്യുന്നത് ബാങ്ക് എക്കൗണ്ട് മുഖേനയാണ് എന്നതിനാൽ PFMS ൽ വരുന്ന ഓരോ സംസ്ഥാനത്തെയും ഓരോ പദ്ധതിയും അതത് സംസ്ഥാന സർക്കാരിന്റെ നിർവ്വഹണ ഏജൻസികൾ യോഗ്യമാണെന്ന് കണ്ടെത്തുന്ന ബാങ്കിനെ ഏൽപിക്കുന്നു. ഇവിടെ സ്കൂൾ ഉച്ച ഭക്ഷണ പദ്ധതിയുടെ സംസ്ഥാന നോഡൽ ഏജൻസിയായ പൊതു വിദ്യാഭ്യാസ ഡയറക്റ്റർ ഈ പദ്ധതിയുമായി ബന്ധപ്പെട്ട പ്രവർത്തനങ്ങൾ കാനറാ ബാങ്കിനെയാണ് ഏൽപ്പിച്ചിട്ടുള്ളത്. ഈ സാഹചര്യത്തിൽ പദ്ധതിയുടെ നടത്തിപ്പുകാരായ എ.ഇ.ഒ, സ്കൂൾ അധികൃതർ എന്നിവർക്ക് നേരിട്ട് PFMS സൈറ്റിനെ ആശ്രയിക്കേണ്ടിവരുന്നില്ല. പകരം PFMS കൈകാര്യം ചെയ്യാനായി കാനറാ ബാങ്ക് ഡെവലപ്പ് ചെയ്ത ആപ്ലിക്കേഷൻ (ഓൺലൈൻ സോഫ്റ്റ് വെയർ) ആണ് ഉപയോഗിക്കുന്നത്.ഇത് ഉപയോഗിക്കുന്നത് സംബന്ധിച്ച് കൃത്യമായ നിർദ്ദേശങ്ങൾ വരും ദിവസങ്ങളിൽ ലഭ്യമാകുന്നതായിരിക്കും.

സ്കൂളുകൾ നിലവിൽ ബിംസ് വഴിയാണ് ഉച്ച ഭക്ഷണ പദ്ധതിയുമായി ബന്ധപ്പെട്ട ചെലവുകൾക്കുള്ള തുക കാഷ് ചെയ്യുന്നത്. ഈ സംവിധാനത്തിലേക്ക് മാറുന്നതോടെ ബിംസ് സംവിധാനത്തിലൂടെയുള്ള അലോട്ട്മെന്റ് സംവിധാനം ഇല്ലാതാകും.

ഈ സംവിധാനത്തിലേക്ക് മാറുന്നതിനായി ഓരോ തലത്തിലും യൂസർ ക്രിയേഷൻ നടത്തേണ്ടതുണ്ട്. ഇതിന്റെ ക്രമം താഴെ പറയുന്ന തരത്തിലാണ്.

DGE→DDE→AEO→SCHOOLS

സ്കൂളുകളെ സംബന്ധിച്ച യൂസർ ഐ.ഡി, പാസ് വേഡ് എന്നിവ അതാത് എ.ഇ.ഒ.യിൽ നിന്നും ലഭിക്കുന്നതാണ്.

ഈ സംവിധാനത്തിൽ ഒരു മേക്കർ ഒരു ചെക്കർ ഒരു അഡ്മിൻ എന്നിങ്ങനെ 3 തരം യൂസർമാർ വരുന്നുണ്ട്. സ്കൂളുകളെ സംബന്ധിച്ചിടത്തോളം മേക്കർ എന്നത് ഒരു അദ്ധ്യാപകൻ, ചെക്കർ പ്രധാനാദ്ധ്യാപകൻ ആണ്.Admin ഇല്ല.